U Breście aktyvista aštrafavali na 765 rubloŭ za vitańnie «Nie zavodu AKB»

Sud Bresckaha rajona 14 kastryčnika aštrafavaŭ aktyvista Kanstancina Astapuka na 30 bazavych vieličyń (765 rubloŭ). Dva miesiacy tamu la prachadnoj zavoda Astapuk sustreŭ inšaha aktyvista frazaj «Nie zavodu AKB», i heta trapiła na videa. Učastkovy Bresckaha RAUS skłaŭ na Astapuka pratakoł pa č. 3 artykuła 23.34 «Parušeńnie paradku arhanizacyi abo praviadzieńnia masavych mierapryjemstvaŭ» i sudździa pryznaŭ aktyvista vinavatym, piša «Briestskaja hazieta».

Kanstancina Astapuka, jaki vystupaje suprać budaŭnictva pad Brestam akumulatarnaha zavoda, nie raz zatrymlivali, pryciahvali da administracyjnaj adkaznaści i štrafavali.

0

0

0

0

0

0