Kurdy zajavili pra ŭcioki sotniaŭ bajevikoŭ «Isłamskaj dziaržavy» z łahiera na poŭnačy Siryi
Kurdskaja aŭtanomnaja administracyja terytoryj na paŭnočnym uschodzie Siryi zajaviła ŭ Facebook, što 785 zamiežnikaŭ, źviazanych z terarystyčnaj hrupoŭkaj «Isłamskaja dziaržava», źbiehli z łahiera Ajn-Isa na poŭnačy krainy, dzie Turcyja pravodzić vajennuju apieracyju.
Łahier raźmieščany ŭ pravincyi Raka na terytoryi, padkantrolnaj araba-kurdskim «Siryjskim demakratyčnym siłam» (SDF). Raniej kurdy zajavili pra ŭcioki šerahu siemjaŭ bajevikoŭ ID z łahiera.
Paviedamlajecca, što zamiežniki, jakija majuć dačynieńnie da ID, źbiehli z łahiera Ajn-Isa «pry kaardynacyi z hrupaj najmitaŭ, (łajalnych - red.) Turcyi, pad prykryćciom tureckaha abstrełu i pry padtrymcy tureckaha napadu i najmitaŭ, jakija ździejśnili žorstkaje napad na łahier «.
Aficyjny Damask nie pryznaje aŭtanomnuju administracyju na paŭnočnym uschodzie Siryi, što kantraluje terytoryi na ŭschod ad raki Jeŭfrat.
Prezident Turcyi Taip Erdahan 9 kastryčnika abviaściŭ ab pačatku apieracyi «Krynica miru» na poŭnačy Siryi. Vajennyja dziejańni Turcyi suprać kurdaŭ u Siryi asudžaje suśvietnaja supolnaść.
