Tramp pra ataku Turcyi na kurdaŭ: Hetaja apieracyja — drennaja ideja
Prezident ZŠA Donald Tramp asudziŭ Turcyju za apieracyju suprać kurdaŭ u Siryi pad nazvaj «Krynica miru», piša Reuters.
Tramp padkreśliŭ, što ZŠA «nie ŭchvalajuć hetuju ataku i dali zrazumieć Turcyi, što hetaja apieracyja — drennaja ideja».
Tramp taksama padkreśliŭ, što Vašynhton maje namier «rabić tak, kab Turcyja prytrymlivałasia svaich abaviazacielstvaŭ» pa niedapuščeńni humanitarnaha kryzisu ŭ rehijonie.
Tramp dadaŭ, što «ź pieršaha dnia, jak jon ŭzyšoŭ na palityčnuju arenu», jon vystupaŭ suprać biaskoncych i biessensoŭnych vojnaŭ, jakija nie prynosiać karyści Złučanym Štatam.
Pavodle jaho słoŭ, Turcyja ŭziała na siabie abaviazacielstvy abaraniać mirnaje nasielnictva, cyvilnych asob i nie dapuścić humanitarnaha kryzisu.
«My čakajem, što Turcyja vykanaje ŭsie svaje abaviazacielstvy», — dadaŭ Tramp.
