Na ŭzbrajeńnie biełaruskaj armii moža pastupić madernizavany «Urahan»
Siońnia na palihonie Asipovicki prajšli paśpiachovyja vyprabavańni bajavymi puskami madernizavanaj reaktyŭnaj sistemy załpavaha ahniu (RSZA) «Urahan». RSZA prajšła pahłyblenuju madernizacyju na pradpryjemstvach Dziaržaŭnaha pramysłovaha vajennaha kompleksu. Puski prajšli paśpiachova, snarady z vysokaj dakładnaściu źbili celi, paviedamlaje Minabarony ŭ svaim telehram-kanale.
Madernizavany «Urahan» atrymaŭ palepšanyja taktyka-techničnyja charaktarystyki: novyja šasi, sučasnyja srodki navihacyi, suviazi, pieradačy danych, pazicyjanavańnie dy inšaje.
Vyprabavańni prakamientavaŭ načalnik rakietnych vojskaŭ i artyleryi Uzbrojenych sił hienierał-major Hienadź Kazłoŭski.
«Vynik madernizacyi bajavoj mašyny apraŭdaŭ čakańni. Madernizavany «Urahan» atrymaŭsia prymalnym dla našych vojskaŭ. Dziakujučy novym šasi jon maje palepšanuju prachodnaść, bolš zručny ŭ absłuhoŭvańni. Pieravod z pachodnaha stanovišča ŭ bajavoje ažyćciaŭlajecca chutčej, čym u niemadernizavanaj viersii hetaj RSZA. Heta byli tolki papiarednija vyprabavańni. Jašče budziem udaskanalvać niekatoryja momanty. U chutkim časie projduć i dziaržaŭnyja vyprabavańni. Užo paśla hetaha budzie vyrašacca pytańnie ab pastanoŭcy bajavych mašyn u našy Uzbrojenyja siły», — skazaŭ Kazłoŭski.
