Akazvajecca, karystacca mabilnym zabaroniena i vychavacielam u sadkach
Čytač «Našaj Nivy» paviedamiŭ pra situacyju ŭ sadku №3 Smalavičaŭ — maŭlaŭ, nie zdoleŭ dazvanicca da svajački, a potym akazałasia, što im zabaroniena karystacca telefonami.
Jak patłumačyła «Našaj Nivie» zahadčyca sadka Łarysa Citok, zhodna z patrabavańniem Minadukacyi, karystacca mabilnymi telefonami padčas vychavaŭčaha pracesu zabaroniena.
«Vychavaŭčy praces — heta, naturalna, zaniatki ź dziećmi. Nichto nie adbiraje mabilniki, jany pry vychavacielach. Prosta ličycca niepažadanym razmaŭlać, siadzieć u dadatkach. Ci jość vialiki ad hetaha sens? Ja nie viedaju, heta daviali ź ministerstva. Napeŭna, pieryjadyčna byvaje takoje, što niejki małady vychavaciel utkniecca ŭ telefon u čas, kali musić zajmacca dziećmi. Ale heta nie toje kab vielmi stroha, vy ž razumiejecie, što kali niešta zdaryłasia ŭ čałavieka, to jon i patelefanuje, i adkaža», — skazała Łarysa Citok.
