Ekspart pradpryjemstvaŭ Dziaržkamvajenprama ŭ 2019 hodzie pierasiahnie $1 młrd
Ekspart pradpryjemstvaŭ Dziaržkamvajenprama ŭ 2019 hodzie pierasiahnie $1 młrd. Ab hetym paviedamiŭ siońnia žurnalistam staršynia Dziaržaŭnaha vajenna-pramysłovaha kamiteta Raman Hałoŭčanka, paviedamlaje BiełTA.
U Dziaržkamvajenpramie raźličvajuć, što pa vynikach hoda ekspart abaronnaj pradukcyi krychu pavialičycca ŭ paraŭnańni z papiarednim hodam. «Pakul prahnozy hetaj ličbie adpaviadajuć. Raźličvajem, što budzie kala hetaha, ź nievialikim rostam, - skazaŭ Raman Hałoŭčanka. - U nas ekspart nie zaŭsiody supadaje z pastupleńniem valutnaj vyručki z-za doŭhich terminaŭ raźlikaŭ. Za paŭhodździe my na 60 pracentaŭ pieravysili abjom valutnaj vyručki ŭ adpaviednym pieryjadzie 2018 hoda».
Abjom ekspartu tavaraŭ i pasłuh arhanizacyj Dziaržkamvajenprama pa vynikach 2018 hoda skłaŭ bolš jak $1 młrd. Z 2004 pa 2017 hod hety pakazčyk pavialičyŭsia amal u 7 razoŭ (z $143,8 młn da bolš jak $960 młn).
