Ministr pracy pryhoža vykazałasia pra ŭviadzieńnie elektronnych pracoŭnych knižak
Ministr pracy i sacyjalnaj abarony Iryna Kaścievič u efiry telekanała ANT raskazała pra pierśpiektyvy ŭviadzieńnia ŭ Biełarusi elektronnych pracoŭnych knižak, piša BiełTA.
Elektronny ŭlik pracoŭnaj dziejnaści pierš za ŭsio dobry dla čałavieka, bo jon dazvalaje zachavać usiu infarmacyju.
Bo ŭ hetym vypadku «atramant nie vyharaje, a papiera nie zacirajecca», — pryviała anałohiju z papiarovaj ministr.
«Druhi momant: my zaścieražem čałavieka ad niesumlennaha najmalnika», - praciahnuła Iryna Kaścievič. Jana patłumačyła, što byvajuć vypadki, kali pry farmiravańni piensijnych pravoŭ nie ŭdajecca znajści niejkija dakumienty ab pracoŭnaj dziejnaści čałavieka.
Dla najmalnika heta taksama vielmi važny stanoŭčy krok, ličać u Minpracy, pakolki spraščajecca viadzieńnie dakumientazvarotu.
Elektronnyja knižki płanujecca ŭvieści ŭ nastupnym hodzie.
