Kiraŭnik krainy zładziŭ lohki kadravy dzień
Alaksandr Łukašenka z novymi pasłami Biełarusi ŭ Jehipcie, Izraili, Ekvadory, Turcyi i Turkmienistanie. Fota BIEŁTA.
Alaksandr Łukašenka daŭ zhodu na pryznačeńnie novych kiraŭnikoŭ u piaci rajonach, pieradaje BIEŁTA.
Anatol Haponik paśla pracy na anałahičnaj pasadzie ŭ Lelčyckim rajonie zojmie pasadu staršyni Buda-Kašaloŭskaha rajvykankama.
Lelčycki ž rajon uznačalić Siarhiej Kasinski, jaki byŭ staršynioj Lelčyckaha savieta deputataŭ.
Staršynia Ščučynskaha rajvykankama Siarhiej Łožačnik uzhodnieny na anałahičnuju pasadu ŭ Lidskim rajonie. A staršynioj Ščučynskaha rajona stanie pieršy namieśnik staršyni rajvykankama Alaksiej Sadoŭski.
Kiraŭnik dziaržavy taksama daŭ zhodu na pryznačeńnie Andreja Žajłoviča staršynioj Salihorskaha rajvykankama. Da hetaha času jon pracavaŭ na pasadzie kiraŭnika administracyi Maskoŭskaha rajona Minska.
Taksama Łukašenka pryznačyŭ novych pasłoŭ u Jehipcie, Izraili, Ekvadory, Turcyi i Turkmienistanie
Siarhiej Ciarenćjeŭ pryznačany pasłom u Jehipcie i pa sumiaščalnictvie ŭ Sudanie i Amanie. Jon taksama zojmie pasadu pastajannaha pradstaŭnika Biełarusi pry Lizie arabskich dziaržaŭ.
Pasłom u Izraili pryznačany Jaŭhien Varabjoŭ, jaki raniej zajmaŭ pasadu namieśnika načalnika hałoŭnaha ŭpraŭleńnia — načalnika ŭpraŭleńnia Jeŭropy hałoŭnaha ŭpraŭleńnia Jeŭropy i Paŭnočnaj Amieryki MZS.
Mikałaja Aŭsianka kiraŭnik dziaržavy pryznačyŭ pasłom u Ekvadory i pa sumiaščalnictvie ŭ Kałumbii, Nikarahua i Panamie. Da hetaha času jon pracavaŭ na pasadzie načalnika adździeła mižnarodnaj biaśpieki i kantrolu nad uzbrajeńniami hałoŭnaha ŭpraŭleńnia šmatbakovaj dypłamatyi MZS.
Pasadu pasła Biełarusi ŭ Turcyi i pa sumiaščalnictvie ŭ Iraku zojmie Viktar Rybak, pierad hetym načalnik hałoŭnaha ŭpraŭleńnia Azii, Afryki i Łacinskaj Amieryki MZS.
Viačasłaŭ Biaskosty z pasady namieśnika načalnika ŭpraŭleńnia krain SND hałoŭnaha ŭpraŭleńnia Rasii, krain SND i jeŭrazijskaj intehracyi MZS pryznačany pasłom Biełarusi ŭ Turkmienistanie.
Łukašenka taksama daŭ zhodu Piatra Maksimčykava — hienieralnym dyrektaram AAT «Homielškło»;
Siarhieja Avakava — hienieralnym dyrektaram adkrytaha akcyjaniernaha tavarystva «Płanar».
