U Lachavičach z-za pažaru ŭ spartyŭnaj zale kaledža evakujavali 92 čałavieki
11 vieraśnia ŭ 14:02 vyratavalnikam pastupiła paviedamleńnie ab pažary ŭ spartzale ahrarnaha kaledža na vulicy Lenina ŭ Lachavičach, paviedamlaje MNS.
Kali da miesca vykliku prybyli padraździaleńni MNS, adkrytaha hareńnia u budynku nie było. Rabotnikami ŭstanovy adukacyi z budynka byli evakujavanyja 92 čałavieki, 62 ź ich - navučency.
Pa papiarednich dadzienych, kala 14:00 harderobnica kaledža ŭbačyła ŭ kalidory husty dym i paviedamiła pra heta kamiendantu. Kamiendant, u svaju čarhu, paviedamiła pra zdareńnie ŭ MNS i nieadkładna prystupiła da evakuacyi vučniaŭ i piersanału na vulicu.
Pažar byŭ likvidavany da prybyćcia padraździaleńniaŭ MNS. U vyniku ahniom paškodžany śviacilnia, zakurany ścieny i stol u pamiaškańni dušavoj na pieršym paviersie spartyŭnaj zały. Paciarpiełych niama.