U Babrujsku chłopiec-sirata skraŭ hrošy ŭ susieda pa kaledžy, kab kupić ježy. I atrymaŭ termin
U Babrujsku zaviaršyŭsia sudovy praces pa abvinavačvańni ŭ kradziažy 18-hadovaha chłopca-siraty, navučenca adnaho ź miascovych kaledžaŭ, piša Mogilev.online sa spasyłkaj na «Kommierčieskij kuŕjer».
Małady čałaviek skraŭ u susieda pa internacie 1100 rubloŭ, ź jakich patraciŭ 200: pakłaŭ hrošy na bałans telefona, viarnuŭ doŭh inšamu susiedu i kupiŭ pradukty — makarony chutkaha hatavańnia, hrečku, kaŭbasu, prysmaki, «Koka-kołu», cyharety. 900 rubloŭ schavaŭ pad linoleum u siabie ŭ pakoi, dzie ich i znajšła milicyja.
Chłopiec sirata, z druhoha kłasa ros u škole-internacie, paśla taho jak maci atrymała vialiki termin za rabavańnie i zabojstva. Baćka pamior.
Nad navučencam zładzili publičny sud. Sud prysudziŭ maładoha čałavieka da dvuch hadoŭ kałonii z umoŭnym nieprymianieńniem pakarańnia terminam na 1 hod. Na sudzie vystupaŭ paciarpieły, jaki zajaviŭ, što pretenzij nie maje i tolki prosić viarnuć 200 rubloŭ. Hetuju sumu złamyśnik taksama pavinien viarnuć pa rašeńni suda.