Amierykanskaja miedycynskaja asacyjacyja zaklikała spynić vykarystańnie elektronnych cyharet
pixabay.com
U zajavie AMA, u pryvatnaści, adznačajecca: «Raspaŭsiud u krainie lohačnych zachvorvańniaŭ, źviazanych z elektronnymi cyharetami, umacoŭvaje pierakanańnie, što vykarystańnie elektronnych cyharet i viejpinh nabyli charaktar epidemii».
AMA — adna z najbolš viadomych i ŭpłyvovych arhanizacyj daktaroŭ u ZŠA. Jana papiaredziła, što viejpiery, jakija majuć prablemy z dychańniem, boli ŭ hrudziach abo mocny kašal, pavinny nieadkładna źviarnucca pa miedycynskuju dapamohu, paviedamlaje Hołas Amieryki
U svaju čarhu, Administracyja kantrolu za praduktami charčavańnia i miedykamientami (FDA) nakiravała najbujniejšamu vytvorcu elektronnych cyharet — kampanii JUUL — papiaredžańnie, abvinavaciŭšy JUUL u parušeńni zakona: raspaŭsiudzie nieabhruntavanych zajavaŭ pra biaśpieku jaje pradukcyi.
Viejpinh ličycca pryčynaj 450 niadaŭna vyjaŭlenych vypadkaŭ pulmanałahičnych rasstrojstvaŭ ŭ ZŠA, vynikam jakich stali piać śmiarotnych vynikaŭ.
