«Uh no»: u Minsku vypuścili majki z tvitam Iłana Maska pra «Tesłu» dla Łukašenki
Kampanija «LSTR Adzieńnie» vyrabiła majki z vyjavaj tvita Iłana Maska, jakim jon adkazaŭ na pytańnie, ci daryŭ mašynu kiraŭniku biełaruskaj dziaržavy.
Jak tabie takoje @elonmusk ? pic.twitter.com/X8GLEsXU9g
2 vieraśnia Alaksandr Łukašenka ŭ čas naviedvańnia škoły №93 u Minsku adznačyŭ, što aŭtamabil «Tesła», jaki jon testavaŭ ŭ 2017 hodzie, jamu padaryŭ Iłan Mask.
Ale, miarkujučy pa ŭsim, amierykanski miljarder abvierhnuŭ hetuju infarmacyju. Pra heta jon paviedamiŭ u tvitary paśla prośbaŭ biełaruskich karystalnikaŭ prakamientavać hetuju infarmacyju.
«O nie», — koratka adkazaŭ Mask.
«U mianie jość elektryčnaja mašyna — Tesła. Ja časam jaje teściruju — Mask padaryŭ. Ubačyŭ mianie na matacykle i kaža: «Što heta ŭ vas prezident na dvuchkołavym matacykle jeździć?», — skazaŭ Łukašenka školnikam.