U RPC nazvali «nacyjanalnaj trahiedyjaj» rasijskich mužčyn
Kiraŭnik Patryjaršaj kamisii pa pytańniach siamji, abarony maciarynstva i dziacinstva Ruskaj pravasłaŭnaj carkvy protaijerej Dzimitryj (Śmirnoŭ) nazvaŭ sučasnych rasijskich mužčyn słabymi. Pra heta paviedamlaje «Interfaks».
«Našy mužčyny - heta jość naša nacyjanalnaja trahiedyja», - skazaŭ śviatar. Jon adznačyŭ, što słabaść mužčyn zbolšaha adbyvajecca ad «žanočaha vychavańnia». Pry hetym, pavodle słoŭ pradstaŭnika RPC, ruskaja žančyna źjaŭlajecca mocnaj pa svajoj hienietycy.
Śviatar taksama paličyŭ pamyłkaj toje, što ruskaja žančyna atrymała mahčymaść naradzić 10 dziaciej, a jaje vyhnali z domu na pracu. «Kali ŭ ciabie 12 dziaciej, ni pra jakuju pracu być nie moža navat havorki. Pracavać pavinien mužyk, i jon na hetaj pracy hartujecca», - padkreśliŭ jon.
Śviatar pryznaŭ, što siarod ruskich sustrakajucca sapraŭdnyja mužčyny, ale heta, na jaho dumku, adzinkavy tavar. «A kab była nacyja, kab byli mužčyny, kab možna było ź ich vybrać sabie žanicha - nu ich niama ŭ pryrodzie», - dadaŭ śviatar.