«Pretenzij stała mienš». U Haazie razhladajuć pazoŭ rasijskaj kampanii da Biełarusi
29 lipienia - 1 žniŭnia ŭ Haazie ŭ Pastajannaj Pałacie Traciejskaha Suda (Permanent Court of Arbitration) prajšli słuchańni pa spravie rasiejskaj kampanii «Manolium pracesinh» suprać Respubliki Biełarusi. Rašeńnie pa spravie moža być pryniataje praz 7-8 miesiacaŭ. Pra heta tut.by raspaviali infarmavanyja krynicy.
«Manolium pracesinh» pabudavała ŭ Minsku tralejbusnaje depo, ale nie atrymała za jaho kampiensacyju. Jak ličyli biełaruskija ŭłady — z pryčyny zryvu realizacyi inviestdamovy pa ŭźviadzieńni ŭ centry Minska šmatfunkcyjanalnaha kompleksu.
15 listapada 2017 hoda «Manolium pracesinh» apaviaściŭ ułady Biełarusi ab arbitražy, i z hetaha momantu pačaŭsia arbitražny razhlad pamiž rasijskim inviestaram i Biełaruśsiu. Suma pazovu na toj momant składała kala 200 młn dołaraŭ.
«Ciapier pretenzij stali mienš. Kala 150 młn dalaraŭ. Ź ich bolš za 30 młn - heta samo depo. Plus pracenty za karystańnie srodkami, stračanaja vyhada i hetak dalej», - skazała krynica, znajomaja z adnym z bakoŭ spravy.
Inšy surazmoŭca nie paćvierdziŭ i nie abvierh hetuju infarmacyju, tolki skazaŭ, što «kožny bok vykazaŭ svaje arhumienty i sud vyrašyć, chto maje racyju, a chto vinavaty». «Ale jakim by nie było rašeńnie sudu, kropka ŭ hetaj historyi, chutčej za ŭsio, nie budzie pastaŭlenaja. Pieramoha Minska raźviaža [Biełarusi] ruki. Kali sud stanie na bok rasiejcaŭ, to Minsk vystavić im inšyja pretenzii », - skazała krynica.
Varta adznačyć, što Biełaruś skarystałasia damovami ab pravavoj dapamozie z Rasijaj, što pryviało da vykliku kiraŭnikoŭ «Manolium pracesinh» Andreja Dałhova i Arama Jekaviana ŭ MUS RF na apytańnie. Na pytańni pravaachoŭnikaŭ ab pryčynach niavypłaty padatku na nieruchomaść u Biełarusi ŭ 2013-2016 hadach biźniesmieny rastłumačyli, što ličyli karystańnie ziamielnymi ŭčastkami ŭ Minsku, vyłučanymi ŭ časovaje karystańnie ŭ ramkach inviestdamovy, pravamiernym. Abarona «Manolium pracesinh» źviarnułasia z chadajnictvam da arbitraŭ ab tym, što Biełaruś nie pavinna pradprymać nijakich dziejańniaŭ pa kryminalnym kirunku da zakančeńnia arbitražu. Arbitry dali ŭkazańnie bakam nie pradprymać nijakich dziejańniaŭ, jakija mahli b parušyć «cełasnaść» arbitražnaha pracesu.
