Zhubili kašalok, krasoŭku i dziaŭčynu. Što šukajuć naviedniki paśla «Roka za Babroŭ»?
U subotu na aeradromie «Baravaja» prajšoŭ čarhovy fest «Rok za Babroŭ». Sioleta jaho naviedała kala 50 tysiač čałaviek, kažuć arhanizatary.
Fiestyval skončyŭsia, hledačy raźjechalisia. I akazałasia, što nie ŭsie daličylisia doma svaich asabistych rečaŭ.
Dla tych, chto niešta zhubiŭ padčas fiestyvalu, u supołcy «Rok za Babroŭ» stvaryli admysłovaje abmierkavańnie.
Što ž pakinuli hledačy na Baravoj?
Samyja papularnyja straty — kašalki, fitnes-braślety, telefony i załatyja łancužki.
Fota vk.com
Viarnulisia niekatoryja dadomu biez hadzińnika, kiepki, zaplečnika, soniečnych akularaŭ, elektronnaj cyharety, a niekatoryja biez adnoj krasoŭki.
«Zhublenaja adna krasoŭka hetaj madeli, kali chtości znajšoŭ, ja budu vielmi ŭdziačny», — piša chłopiec.
A voś niechta nie moža znajści dziaŭčynu:
«Šukaju miłuju dziaŭčynu, nievysokuju, razam byli na Lapisach, ja ciabie jašče padymaŭ, a ŭ kancy skazaŭ tabie: «Ty kłasnaja i vielmi enierhičnaja»… Raptam tak vyjšła, što ty heta čytaješ, napišy».