Siarod achviaraŭ stralby ŭ Ahajo — rodnaja siastra napadnika
Siastra strałka z Ahajo, 22-hadovaja Miehan Bets, stała adnoj ź dzieviaci zabitych padčas napadu ŭ horadzie Dejtan, paviedamiła palicyja, piša bbc.com.
Pa mienšaj miery 27 čałaviek paciarpieli ŭ časie druhoj za sutki stralaniny ŭ ZŠA. Za niekalki hadzin da hetaha 20 čałaviek byli zabityja ŭ El-Pasa ŭ Techasie - hety napad rasśledujecca jak «unutrany teraryzm».
Palicyja zastreliła 24-hadovaha Konara Betsa mienš čym praz tryccać siekund paśla taho, jak jon adkryŭ ahoń, u toj momant, kali jon sprabavaŭ prarvacca ŭ pierapoŭnieny bar.
Konar Bets pačaŭ stralaninu ŭ 01:05 pa miascovym časie ŭ rajonie Arehon ŭ centry horada. Na im była broniekamizelka, a z saboj jon prynios dadatkovyja bojeprypasy dla svajoj šturmavoj vintoŭki 223 kalibra z mahazinam pavialičanaj jomistaści, paviedamiła palicyja.
Jon paśpieŭ vypuścić niekalki dziasiatkaŭ kul.
