Сярод ахвяраў стральбы ў Агаё — родная сястра нападніка
Сястра стралка з Агаё, 22-гадовая Меган Бэтс, стала адной з дзевяці забітых падчас нападу ў горадзе Дэйтан, паведаміла паліцыя, піша bbc.com.
Па меншай меры 27 чалавек пацярпелі ў часе другой за суткі страляніны ў ЗША. За некалькі гадзін да гэтага 20 чалавек былі забітыя ў Эль-Паса ў Тэхасе - гэты напад расследуецца як «унутраны тэрарызм».
Паліцыя застрэліла 24-гадовага Конара Бэтса менш чым праз трыццаць секунд пасля таго, як ён адкрыў агонь, у той момант, калі ён спрабаваў прарвацца ў перапоўнены бар.
Конар Бэтс пачаў страляніну ў 01:05 па мясцовым часе ў раёне Арэгон ў цэнтры горада. На ім была бронекамізэлька, а з сабой ён прынёс дадатковыя боепрыпасы для сваёй штурмавой вінтоўкі 223 калібра з магазінам павялічанай ёмістасці, паведаміла паліцыя.
Ён паспеў выпусціць некалькі дзясяткаў куль.
