U Žłobinie kiroŭca BMZ vyviez z zavoda pad 14 ton čornaha mietału
Ranicaj 1 žniŭnia načalnik adździaleńnia achovy BMZ Žłobinskaha adździeła Departamienta achovy kapitan milicyi Dźmitryj Biežaleŭ i kamandzir uzvoda kapitan milicyi Vital Cimafiejeŭ praviarali na vyjeździe praz transpartnuju prachadnuju hruzavy aŭtatranspart. Da bramy padjechaŭ hružany šłakam MAZ 20-tońnik. 25-hadovy kiroŭca vidavočna niervavaŭsia, pakazvajučy dakumienty, paviedamiła pres-słužba UUS Homielskaha abłvykankama.
Vonkavy nadhlad hruzavika nie vyjaviŭ parušeńniaŭ. Nad haračym, pad 70 hradusaŭ, šłakam padymaŭsia par, tak prosta hruz nie pravieryš. Ale Dźmitryj Biežaleŭ usio ž vyrašyŭ vyśvietlić, kudy pajedzie samazvał.
MAZ pajechaŭ praź lasny masiŭ na palihon, dzie składujuć šłak. Supracoŭniki milicyi z pradstaŭnikami achovy BMZ rušyli ŭśled. MAZ spyniŭsia i padniaŭ kuzaŭ dla vyhruzki. Spačatku pasypaŭsia šłak, a zatym kruhłyja brykiety mietaličnaj stružki. Adrazu stała zrazumiełaja niervovaść kiroŭcy. Małady čałaviek niezakonna vyviez z pradpryjemstva amal 14 ton čornaha mietału.
Pa fakcie kradziažu raspačataja kryminalnaja sprava. Padazravany, žychar Žłobina, zatrymany.