Pad Minskam atrucilisia čaćviora rabočych, jakija čyścili śvidravinu
Mienskim rajonnym adździełam Śledčaha kamiteta pravodzicca daśledčaja pravierka pa fakcie atručeńnia rabotnikaŭ arhanizacyi, jakaja zajmajecca ramontam i absłuhoŭvańniem śvidravin. Pra akaličnaści zdareńnia paviedamlaje sajt viedamstva.
31 lipienia čaćviora rabotnikaŭ pryvatnaj firmy zajmalisia ramontam vodazabornaj śvidraviny na terytoryi doma-internatu dla vieteranaŭ vajny i pracy ŭ Minskim rajonie.
Na hłybini kala 3 mietraŭ 29-hadovy majstar straciŭ prytomnaść, atrymaŭšy atručeńnie parami nazapašanych hazaŭ ad motapompy, jakaja pracuje na bienzinie. Akazać dapamohu paciarpiełamu spuściŭsia 24-hadovy mužčyna i taksama adčuŭ słabaść.
Paśla ich kalehi, jakija znachodzilisia na pavierchni, nadzieŭšy achoŭnyja maski, z dapamohaj supracoŭnikaŭ internata vyciahnuli paciarpiełych.
Čaćviora mužčyn byli dastaŭleny ŭ adździaleńnie taksikałohii ŭ stanie siaredniaj stupieni ciažkaści. Jany znachodziacca pad nahladam miedycynskich rabotnikaŭ.
Tym časam śledčyja z udziełam ekśpierta praviali ahlad miesca zdareńnia, apytali vidavočcaŭ. Taksama ŭziatyja proby pavietra, kanfiskavana abstalavańnie rabotnikaŭ.