Žychar Pinska vyroščvaŭ u haražy halucynahiennyja hryby, a potym rassyłaŭ ich spory pa pošcie
Pinčuk vyroščvaŭ u haražy halucynahiennyja hryby i rassyłaŭ ich spory pa pošcie, paviedamlaje pres-słužba milicyi.
Infarmacyja pra vyjaŭleńnie paštovaha kanvierta z sumniŭnym źmieścivam pastupiła ŭ staličnaje padraździaleńnie narkakantrolu ad kaleh ź Minskaha adździeła ŭnutranych spraŭ na pavietranym transparcie. Ekśpiertyza paćvierdziła, što pierasyłajuć rečyva, jakoje źmiaščaje ŭ svaim składzie psiłacybin.
Apieratyŭnikam udałosia vyjści na śled mierkavanaha adpraŭnika i narychtoŭščyka narkasyraviny. «Im akazaŭsia 38-hadovy indyvidualny pradprymalnik ź Pinska. Vyvučyŭšy ład žyćcia i kruh suviaziaŭ padazravanaha, pravaachoŭniki pierakanalisia, što mužčyna maje niepasrednaje dačynieńnie da dadzienaha złačynstva, - raspaviali ŭ MUS. - Pry ahladzie jaho haraža vyjaŭlena pamiaškańnie, śpiecyjalna prystasavanaje dla vyroščvańnia halucynahiennych hryboŭ. Kanfiskavana 0,4 h psichatropnaha rečyva, 4 kantejniera z hrybnicaj, 2 šprycy sa sporami i nieabchodnaje abstalavańnie».
Jak vyśvietliłasia, pieršy list sa sporami mužčyna vysłaŭ u Rasiju ŭ kancy minułaha hoda. Usiaho jon adpraviŭ kala piaci kanviertaŭ sa sporami i hrybnicaj u RF i Ukrainu. Kožny raz pinčuk pakazvaŭ vydumanyja paštovyja dadzienyja adpraŭnika.
Pinski RASK pa hetym fakcie zavioŭ kryminalnuju spravu pa č.1 art.328 (niezakonnyja biez mety zbytu vyrab, pierapracoŭka, nabyćcio, zachoŭvańnie, pieravozka abo pierasyłka narkatyčnych srodkaŭ, psichatropnych rečyvaŭ abo ich prekursoraŭ abo anałahaŭ) KK.
