Siarhiej Michałok pasłaŭ niezaležnych biełaruskich žurnalistaŭ na***j
Lidar hurtoŭ Brutto i «Lapis-98» Siarhiej Michałok 14 lipienia davaŭ nievialiki akustyčny kancert u Kijevie. Strym z hetaha vystupu vioŭ na svaich staronkach u fejsbuku i instahramie žurnalist «Mieduzy» Siarhiej Jeržankoŭ.
Vystup Michałka čas ad času razbaŭlaŭsia pytańniami. Siarod inšaha Michałku ahučyli pytańnie, jakoje pryjšło ad žurnalista «Kamsamolskaj praŭdy ŭ Biełarusi» Mikity Niedavierkava.
«Niezaležnyja biełaruskija žurnalisty pytajucca, čamu praśpiavaŭ «Hraj» u Kijevie, a ŭ Minsku — nie», — zadaŭ pytańnie Jeržankoŭ.
«Pajšli jany na***j, niezaležnyja vy našy. Dzie chaču, tam i śpiavaju. Jany ciapier heta pytajucca? Niezaležnyja ŭsie na***j, ja tolki z zaležnymi razmaŭlaju. Ja zaležny ad ałkaholu i narkotykaŭ. Chto niezaležny, značyć, jany žyćcia nie viedajuć. Chłopcy, što za fihnia, ja zaraz pasvarusia z usimi, chacia ja ź imi i nie miryŭsia», — skazaŭ Michałok.
«Ty z Matolkam pasvaryŭsia», — byŭ čutny hołas z zały.
«Ź jakoj Matolkaj? Ja nie viedaju, chto heta taki», — adkazaŭ Michałok.
U hety samy momant z zały byŭ čutny hołas Antaniny Jacuk, pijarščycy i arhanizatara kancertaŭ: «Matolka na***j sychodzić».
«Ja śpiavaŭ na svaim akustyčnym kancercie na chutary Šabli «Hraj». Čamu pra heta nichto nie piša? Ja adzin mahu im usim pi…y dać, tamu ich heta razdražniaje šmat hadoŭ užo», — zaznačyŭ śpiavak.
Błohier i haradski aktyvist Anton Matolka źviarnuŭ uvahu na hetuju historyju ŭ svaich sacsietkach. U kamientary pryjšła i taja samaja Antanina Jacuk, jana napisała: «Antanina adkazała, što Matolku nafiha abmiarkoŭvać? Tak što nie prypisvajcie taho, čaho nie było. Nie było nijakaj hrubaści, dy i viečar byŭ cudoŭny».
Kanfliktu Michałka i Matolki ŭžo dva hady. U 2017 hodzie Michałok padčas vystupu ŭ Šablach skazaŭ: «Mnie ŭčora Anton Aziźbiekian skazaŭ: «Matolka niezadavoleny». Dzie pastamient, dzie bareljef Matolki? Dzie mnie prynieści jamu dary? Matolka! Ja hatovy nasić tabie daninu, kab vyklikać niejkuju pavahu, kab u ciabie nie vyklikała dysanansu, što lepšyja i samyja dužyja muzykanty našaj krainy, pacany z Brutto pryjazdžajuć z usiaho śvietu, i nam, viadoma ž, patrebnyja nadziejnyja kryły».
Heta tyčyłasia nibyta taho, što Matolka raskrytykavaŭ rolik «Biełavija», dzie Michałok čytaŭ vierš Maksima Bahdanoviča. Błohier ža ŭ svaju čarhu skazaŭ, što nie bačyŭ toj rolik. U vyniku Michałok navat zvaniŭ Matolku i vybačaŭsia pierad im.
Apytanka
