Na konkursie «Słavianskaha bazaru» biełarus admoviŭsia pramaŭlać pa-biełarusku — hledačy byli niezadavolenyja
Adzilchan Makin, fota Siarhieja Sierabro, Narodnyja naviny Viciebska
Na konkursie «Słavianskaha bazaru» estradnych vykanaŭcaŭ estradnaj pieśni «Viciebsk-2019» prajšli dva tury. Pa ich vynikach lidziruje śpiavak z Kazachstana Adzilchan Makin, piša Tut.by. U jaho 178 bałaŭ z maksimalnych 180.
Iłaj ź Izraila atrymała ŭčora 84 bały, a ŭ sumie 171. Taki ž pośpiech — u kankursanta z Hruzii Hieorhija Putkaradze. Rasijanin Ivan Dziatłaŭ i biełarus Vania Zdaniuk majuć pa 170 bałaŭ. Pieramožca budzie nazvany siońnia, i, ź vialikaj imaviernaściu, im stanie pradstaŭnik Kazachstana.
Cikava, što pakul udzielniki konkursu čakali na scenie bałaŭ ad žury, viadučyja prapanoŭvali im skazać niekalki słovaŭ na rodnaj movie.
Vania Zdaniuk, fota Siarhieja Sierabro, Narodnyja naviny Viciebska
Ale Vania Zdaniuk pramoviŭ pa-biełarusku litaralna paru słoŭ i praktyčna adrazu paśla «pryvitańnia» pierajšoŭ na ruskuju, patłumačyŭšy heta tym, što ŭ amfiteatry «šmat ludziej, chto nie razumieje biełaruskuju».
Pramaŭlaŭ davoli doŭha, viadučy Dzianis Dudzinski navat pažartavaŭ: «Hatovaja pramova dla premii «Oskar». Ale sychod Vani ad rodnaj movy ŭ amfiteatry dakładna nie acanili: z zały pačuŭsia huł niezadavalnieńnia.
Inšyja kankursanty, darečy, z zadavalnieńniem razmaŭlali z publikaj na rodnych movach, i taja ich niadrenna razumieła.
