Tusk: Razvał SSSR byŭ nie katastrofaj, a vialikim ščaściem — u tym liku i dla rasijan
Staršynia Jeŭrapiejskaj rady Donald Tusk nazvaŭ razvał Savieckaha Sajuza «vialikim ščaściem» dla narodaŭ byłoha SSSR i ŭsioj Jeŭropy. Takoje mierkavańnie jon vykazaŭ u svajoj pramovie na Mižnarodnaj kanfierencyi z nahody 10-hodździa inicyjatyvy «Uschodniaje partniorstva» ŭ hruzinskim Batumi, piša «Radyjo Svaboda».
Kažučy pra hetuju datu, Tusk zhadaŭ taksama, što ŭ 2019 hodzie spaŭniajecca 30 hadoŭ z momantu vyzvaleńnia Centralnaj i Uschodniaj Jeŭropy z-pad savieckaha daminavańnia ŭ 1989 hodzie.
«Voś što pryjšło mnie ŭ hałavu. Vy pamiatajecie, jak prezident Rasii skazaŭ u 2005 hodzie: «My pavinny pryznać, što razvał Savieckaha Sajuza byŭ samaj vialikaj hieapalityčnaj katastrofaj stahodździa». Siońnia ŭ Hruzii ja chaču skazać hučna i vyrazna: razvał Savieckaha Sajuza byŭ vialikim ščaściem dla hruzinaŭ, palakaŭ, ukraincaŭ, hetak sama jak i dla ŭsioj Centralnaj i Uschodniaj Jeŭropy. I ja pierakanany, što i dla rasiejcaŭ taksama», — skazaŭ Tusk.
The collapse of the Soviet Union was NOT the greatest geopolitical catastrophe of the century. Today in Georgia I want to say loud and clear: the USSR collapse was a blessing to Georgians, Poles, Ukrainians and the whole of Central and Eastern Europe. And also to Russians.
Jon taksama nazvaŭ hetuju hadavinu «vielmi simvaličnym momantam» dla abmierkavańnia dasiahnieńniaŭ «Uschodniaha partniorstva». Hetaje abjadnańnie, na dumku Tuska, dapamahło ŭmacavać i pahłybić adnosiny pamiž uschodnimi susiedziami Jeŭrasajuza.
U 2005 hodzie Uładzimir Pucin u svaim zvarocie da Fiederalnaha schodu nazvaŭ razvał SSSR, jaki adbyŭsia ŭ 1991 hodzie, «najbolšaj hieapalityčnaj katastrofaj stahodździa».
Inicyjatyva stvareńnia prahramy «Uschodniaje partniorstva» naležyć Polščy. Hety farmat praduhledžvaje ŭdzieł šaści krain Uschodniaj Jeŭropy: Ukrainy, Hruzii, Małdovy, Azierbajdžana, Armienii i Biełarusi. Pieršaja sustreča ministraŭ zamiežnych spravaŭ u ramkach Uschodniaha partniorstva adbyłasia ŭ śniežni 2009 hodu.