Łukašenka pavinšavaŭ Maduru i paabiacaŭ jamu padtrymku
president.gov.by
Alaksandr Łukašenka ad imia biełaruskaha naroda i siabie asabista pavinšavaŭ prezidenta Vieniesueły Nikałasa Maduru i hramadzian hetaj krainy z nacyjanalnym śviatam — Dniom Niezaležnaści, paviedamlaje pres-słužba kiraŭnika krainy.
«Siońnia, niahledziačy na šmatlikija pieraškody, vaša dziaržava praciahvaje rašuča adstojvać svajo prava na niezaležnaść i ŭłasny šlach raźvićcia», — havorycca ŭ vinšavańni.
Łukašenka padkreśliŭ, što Biełaruś i Vieniesueła, źviazanyja brackimi adnosinami, majuć padobnaje bačańnie spraviadlivaha śvietaparadku: vystupajuć kateharyčna suprać adnabakovych sankcyj i ŭmiašańnia va ŭnutranyja spravy niezaležnych krain.
«Vieniesuelcy zaŭsiody mohuć raźličvać na našu padtrymku ŭ abaronie ahulnych kaštoŭnaściaŭ, — zapeŭniŭ jon. — Pierakanany, što tolki kanstruktyŭny dyjałoh na asnovie pryncypaŭ mižnarodnaha prava zdolny zabiaśpiečyć mirnaje suisnavańnie dziaržaŭ».