Tramp sustreŭsia z Kim Čen Ynam i staŭ pieršym prezidentam ZŠA, jaki stupiŭ na ziamlu Paŭnočnaj Karei
Prezident ZŠA Donald Tramp i lidar Paŭnočnaj Karei Kim Čen Yn sustrelisia ŭ demilitaryzavanaj zonie, jakaja padzialaje KNDR i Paŭdniovuju Kareju, i pacisnuli adzin adnamu ruki, paviedamlaje BBC.
Paśla pryvitańnia Tramp pierajšoŭ demarkacyjnuju liniju i ŭstupiŭ na terytoryju Paŭnočnaj Karei. Jon staŭ pieršym dziejučym amierykanskim prezidentam, jaki naviedaŭ KNDR. Kim Čen Yn skazaŭ, što rady znoŭ bačyć Trampa, i nikoli nie čakaŭ, što ich sustreča adbudziecca ŭ hetym miescy.
Zatym lidary dźviuch krain prajšli na terytoryju Paŭdniovaj Karei. Yn nazvaŭ naviedvańnie amierykanskim prezidentam terytoryi KNDR mužnym i rašučym učynkam. Tramp padziakavaŭ jamu i skazaŭ, što ich źviazvaje «vialikaja družba». Lidary dźviuch krain jašče raz pacisnuli adzin adnamu ruki i pahavaryli.