Žančyna pamyłkova padumała, što jaje chočuć zhvałcić. Joj pryjšoŭ na dapamohu mužčyna, i tut pačałosia…
33-hadovy žychar Smarhoni 19 červienia z čatyrma žančynami adpraviŭsia na vulicu Kirava ŭ rajcentry da raki, kab adznačyć z ałkaholem paśpiachovuju zdaču vynikovaha ekzamienu ŭ kaledžy. Usio skončyłasia panažoŭščynaj, paviedamlaje milicyja.
Prabyŭšy niekalki hadzin na pryrodzie, try damy źjechali dadomu na taksi, a voś čaćviortaja zastałasia, bo zasnuła. Na palancy taksama zastaŭsia i adziny ŭ kampanii 33-ch hadovy mužčyna.
Praz hadzinu jon vyrašyŭ, što treba jechać dadomu i pačaŭ budzić siabroŭku. Spačatku ničoha nie atrymlivałasia, ale kali jon pryŭźniaŭ žančynu, taja raptam pryjšła ŭ siabie i pad uździejańniem ałkaholu, nie razabraŭšysia ŭ situacyi, padumała, što jaje sprabujuć zhvałtavać.
46-hadovaja žančyna stała kryčać, klikała na dapamohu. U hety čas mima prajazdžaŭ na rovary 57-hadovy žychar Smarhoni. Pačuŭšy kryki žančyny, i ŭbačyŭšy pobač mužčynu, viełasipiedyst pasprabavaŭ umiašacca ŭ situacyju.
Mužčyna, jaki sprabavaŭ padniać žančynu, staŭ tłumačyć viełasipiedystu, što jon nie hvałtaŭnik, a paśla dastaŭ z kišeni ścizoryk i nanios im čatyry ŭdary ŭ vobłaść žyvata i hrudzi apanienta. Žančyna adrazu ž vyklikała milicyju.
Mužčyna, jaki nanios ranieńni, spałochaŭsia, schavaŭ nož i staŭ raspaviadać milicyjanieram, što traŭmiravaŭ čałavieka złamyśnik, jaki źjaviŭsia z kustoŭ, a paźniej hety nieviadomy chacieŭ napaści i na jaho samoha.
Zaviali kryminalnuju spravu pa artykule «Naŭmysnaje pryčynieńnie ciažkaha cialesnaha paškodžańnia».