Zialenski damoviŭsia z tryma ŭkrainskimi aliharchami pra finansavańnie prajektaŭ
Prezident Ukrainy Uładzimir Zialenski ŭžo sustrakaŭsia z tryma ŭkrainskimi aliharchami Rynatam Achmietavym, Iharam Kałamojskim i Viktaram Pinčukom i dasiahnuŭ peŭnych damoŭlenaściaŭ, piša Ukrajinśka praŭda.
«Heta budzie vialiki prajekt intehracyi», — zapeŭniŭ Zialenski. Jon dadaŭ, što heta nahladna pakaža pieravahi žyćcia ŭ svabodnaj Ukrainie tym, chto vymušany žyć u «DNR» i «ŁNR».
Jon dadaŭ, što sustrakaŭsia z Rynatam Achmietavym, Iharam Kałamojskim i Viktaram Pinčukom. «Ź inšymi ja jašče nie sustreŭsia, źbirajusia, jany dzieści chavajucca», — skazaŭ Zialenski.
«Jany biaruć na siabie adkaznaść na rašeńnie kankretnych pytańniaŭ. Naprykład, spadar Pinčuk užo ciapier zabiaśpiečyć kvaterami siemji ŭsich 24-ch vajennapałonnych marakoŭ i dalej budzie zajmacca prablemami i sacyjalnaj dapamohaj usim vajskoŭcam. Heta naša ź im damoŭlenaść», — zajaviŭ jon.
«Kałamojski budzie ŭkładać vielmi vialikija hrošy ŭ infrastrukturu Danbasa, ale jon jašče pra heta nie viedaje», — skazaŭ Zialenski.