Mahistratura ŭ Jeŭropie — udały start karjery i pošuku svajho šlachu
Navošta siońnia patrebna mahistarskaja stupień?
Va ŭmovach vysokaj kankurencyi na rynku pracy mahistarskaja adukacyja daje śpiecyjalistu značnuju kankurentnuju pieravahu. Mahistranty nabyvajuć vuzkaprofilnyja kampietencyi, jakija ŭzmacniajuć karjerny patencyjał i dazvalajuć prafiesijna pahłybicca ŭ akademičnuju dziejnaść. U jeŭrapiejskaj sistemie vyšejšaj adukacyi daŭno ŭkaraniłasia trochstupieńčataja madel: bakałaŭryjat, mahistratura i daktarantura.
U adroźnieńnie ad Biełarusi, jakaja tolki ŭmoŭna była pryniata ŭ Bałonski praces, mahistarskija prahramy Jeŭrapiejskaha humanitarnaha ŭniviersiteta (EHU) u Vilni pieršapačatkova raspracoŭvalisia zhodna ź jeŭrapiejskaj adukacyjnaj tradycyjaj.
Chutkaść źmien na rynku pracy i nieabchodnaść u śpiecyjalistach novych profilaŭ paŭpłyvali na źjaŭleńnie kancepcyi adukacyi na praciahu ŭsiaho žyćcia (life long learning). U prafiesijnym asiarodździ siońnia ličycca normaj atrymańnie adnoj bakałaŭrskaj stupieni i niekalkich mahistarskich pa roznych napramkach.
U 2019 hodzie EHU prapanuje mahistarskija prahramy ŭ halinach palityčnych navuk, dyzajnu i navuk ab spadčynie. Navučalnyja płany mahistarskich prahram uklučajuć śpiecyjalizavanyja kursy, praktyčna-aryjentavanyja zaniatki i daśledčuju pracu.
Jak źviarnuła ŭvahu zasnavalnica Centra hiendarnych daśledavańniaŭ EHU prafiesar Alena Hapava, łaŭreat Mižnarodnaj uznaharody za vydatnyja dasiahnieńni ŭ halinie słavianskich i ŭschodniejeŭrapiejskich hiendarnych daśledavańniaŭ: «Našy mahistratury — heta, u niejkaj stupieni, prajekty «stvareńnia siabie» dla hetaha źmienlivaha śvietu. Tudy prychodziać z pytańniami pra siabie i śviet i nie atrymlivajuć hatovych adkazaŭ, ale vučacca ich šukać».
Jak prachodzić navučańnie na mahistarskich prahramach EHU?
Navučańnie ŭ mahistratury EHU, u pieršuju čarhu, zaklikana stymulavać znosiny studentaŭ z sacyjalnymi partniorami ŭniviersiteta dla taho, kab užo padčas vučoby jany mahli farmavać svoj sacyjalny kapitał. Za paŭtara-dva hady mahistranty taksama atrymlivajuć śpiecyjalizavanyja navyki i kampietencyi ŭ miežach unikalnych mahistarskich prahram.
Navučańnie prachodzić u blended-farmacie (anhł. «źmiašanym farmacie»), jaki ŭklučaje ŭ siabie spałučeńnie 5 vočnych siesij u Vilni na praciahu hoda i pastajannaj uciahnutaści ŭ akademičny praces praź sistemu dystancyjnaha navučańnia Moodle. Padobny farmat dazvalaje mahistrantam sumiaščać prafiesijnyja abaviazki ŭ lubym punkcie Jeŭropy i intensiŭnuju navučalnuju rabotu, čytańnie navukovaj litaratury, abmierkavańni jaje z kalehami i vykładčykami, a taksama zdaču piśmovych rabot va ŭniviersitecie.
U śpiecyjalnych videa vykładčyki novych mahistarskich prahram EHU «Vizualnaja płastyka» i «Raźvićcio kulturnaj spadčyny» lektar Julija Citova i doktar Ściapan Sturejka raspaviadajuć pra hałoŭnyja napramki dziejnaści hetych prahram i asablivaści navučańnia.
Mahistarskaja prahrama «Publičnaja palityka» fakusujecca na pytańniach, źviazanych z kantekstam publičnaj palityki pierš za ŭsio ŭ Biełarusi, ale i ŭ inšych krainach Uschodniaha partniorstva. Prahrama aryjentavana na adpaviednyja rynki pracy. Źmiest jaje zasnavany na vopycie raźvitych zachodnich demakratyj u halinie publičnaj palityki i pry hetym adaptavany da śpiecyfiki Biełarusi i inšych postsavieckich krain.
U śpiecyjalnym intervju dacent Andrej Ściapanaŭ raspaviadaŭ pra toje, čym zajmajucca daśledčyki ŭ halinie publičnaj palityki:
«Publičnaja palityka — heta ŭzajemadziejańnie hramadstva i dziaržavy ŭ pracesie realizacyi kankretnych palityčnych, ekanamičnych ci sacyjalnych zadač. Palityka ŭ dadzienym vypadku razhladajecca nie jak vyklučna śfiera baraćby za ŭładu, a jak śfiera adnosin, kamunikacyi, abmienu pamiž sacyjalnymi hrupami. Viedy možna vykarystoŭvać u halinie kiravańnia ŭ šyrokim značeńni: ad siamiejnaha biudžetu da bujnoj kampanii. U vuzkim značeńni jany nieabchodnyja dla kiravańnia prajektami luboha ŭzroŭniu składanaści: ad dabračynnaha fondu da mižnarodnych prajektaŭ. Mnohija kirujuć prajektami ŭ roznych śfierach: mižnarodnyja i łakalnyja niaŭradavyja arhanizacyi, analityčnyja centry, miascovyja inicyjatyvy, palityčnyja partyi, a taksama kamiercyjnyja arhanizacyi».
Jak pastupić u mahistraturu EHU?
Mahistratury EHU źjaŭlajucca dastupnymi dla ŭsich asob z vyšejšaj adukacyjaj u halinie sacyjalnych i humanitarnych navuk. Pry nieabchodnaści atrymańnia dadatkovych viedaŭ pa abranym napramku mahistranty mohuć vybirać i bakałaŭrskija kursy, jakija ich cikaviać. Dla pastupleńnia nieabchodna zrabić try asnoŭnyja kroki:
- paćvierdzić viedańnie anhlijskaj movy na ŭzroŭni B1 i vyšej (IELTS / TOEFL / ekzamien EHU), zdaŭšy anłajn-ekzamien EHU;
- napisać daśledčy prajekt — prajekt vašaha budučaha mahistarskaha daśledavańnia;
- zapoŭnić ankietu abituryjenta.
Maksimalnaja cana navučańnia dla hramadzian Biełarusi składaje 1100 jeŭra za siemiestr. Košt navučańnia možna całkam ci častkova pakryć z dapamohaj śpiecyjalnych hrantaŭ. Hranty raźmiarkoŭvajucca pa vynikach razhladu indyvidualnych partfolia, u jakich abituryjenty pakazvajuć usie svaje akademičnyja, tvorčyja i prafiesijnyja dasiahnieńni.
U 2019 hodzie EHU pravodzić nabor na mahistarskija prahramy «Vizualnaja płastyka», «Publičnaja palityka» i «Raźvićcio kulturnaj spadčyny». Dakumienty na mahistarskija prahramy prymajucca da 3 lipienia.
Usia nieabchodnaja infarmacyja ab paradku padačy dakumientaŭ dla pastupleńnia na mahistarskija prahramy EHU znachodzicca ŭ śpiecyjalnym raździele sajta ŭniviersiteta.
Uźnikli pytańni? Źviartajciesia pa telefonie +370 5 2639650, elektronnaj pošcie [email protected] ci pišycie ŭ Skype: QuestionEHU.