Łukašenka: Ludziej prosta škada
Alaksandr Łukašenka vystupaje za padtrymku adstajučych haspadarak siłami pramysłovych pradpryjemstvaŭ. Pra heta jon zajaviŭ siońnia, dajučy zhodu na naznačeńnie kiraŭnikoŭ miascovych orhanaŭ ułady, piša BIEŁTA.
«Dla nas vielmi važna padtrymać siało ŭ hety vielmi składany pieryjad. Nam ni ŭ jakim razie nielha dapuścić spadu ŭ sielskahaspadarčaj vytvorčaści», — padkreśliŭ kiraŭnik dziaržavy. Jon dadaŭ, što kraina zabiaśpiečyć siabie charčavańniem navat u vypadku zakryćcia słabych haspadarak.
«Ludziej škada prosta. Ale kali ludzi hetaha nie razumiejuć, pojduć dzieści šukać pracu. My hatovyja padtrymać i dapamahčy, tolki treba, kab na miescach varušylisia. My nie možam zakopvać u hetyja haspadarki hrošy niezvarotna. Tamu surjozna treba dumać pra pierśpiektyvy», — skazaŭ Alaksandr Łukašenka.
U krainie kala 20—25% haspadarak nie mohuć vyjści na rentabielnuju pracu ŭłasnymi siłami. Im ciažka spravicca ź situacyjaj pa roznych pryčynach, jak subjektyŭnych, tak i abjektyŭnych, adznačyŭ jon.
Jon pierakanany, što hetym adstałym sielhaspradpryjemstvam nieabchodna akazać dapamohu. U jakaści buksira dla ich, pa słovach kiraŭnika dziaržavy, mohuć vystupić pramysłovyja pradpryjemstvy. «Niechta dapamoža ludźmi, niechta technikaj, chtości adramantuje techniku», — adznačyŭ Alaksandr Łukašenka.
