Zdahadajciesia, u kolki abyšłasia pajezdka z Hrodna ŭ Sankt-Pieciarburh na taksi
21 hadzinu doŭžyłasia pajezdka žychara Hrodna ŭ Paŭnočnuju stalicu Rasii. Jak paviedamili «MK v Pitierie» pradstaŭniki servisu zamovy taksi, heta była adna z samych praciahłych pajezdak u ich historyi.
Fota pradstaŭlena servisam zamovy taksi.
Viadoma, zakazvać taksi dla pajezdak z horada ŭ horad lepš zahadzia. Ale žycharu Hrodna zachaciełasia ŭ Pieciarburh «tut i ciapier». Jon vyklikaŭ mašynu, paviedamiŭ kančatkovy punkt vandroŭki i ŭžo apoŭdni adpraviŭsia ŭ horad na Niavie. U Pieciarburh mašyna prybyła ŭ 9 ranicy nastupnaha dnia. Na ŭvieś 1100-kiłamietrovy šlach, ź pierapynkami na adpačynak i prypynkami, u kiroŭcy i pasažyra syšło kala 21-j hadziny.
Voś tolki tannaj takuju pajezdku dakładna nie nazavieš. Za svajo padarožža hramadzianin Biełarusi addaŭ krychu bolš za 300 dołaraŭ.