Pastupleńnie ŭ Abłasny licej: «Tak, na pasiedžańnie treba ŭziać ksierakopiju bileta BRSM»
U sieciva trapiła cikavaja pamiatka dla tych, chto pastupaje ŭ Minski dziaržaŭny abłasny licej. U joj prapisana, jakija dakumienty abaviazany mieć pry sabie pretendenty na zaličeńnie ŭ 10 kłas na pasiedžańni pryjomnaj kamisii. Siarod nieabchodnaha — ksierakopija bileta člena BRSM. «Pry adsutnaści — 6 rubloŭ dla ŭstupleńnia», — adznačana ŭ pamiatcy.
Atrymlivajecca, biez členstva ŭ sajuzie ciapier nie stać liceistam?
— Tak, na pasiedžańnie treba ŭziać ksierakopiju bileta BRSM. A kali jaho niama, pry žadańni ŭstupić. Nikoha my nie prymušajem, u nas svabodnaja ŭstanova, — prakamientavała «Našaj Nivie» namieśnica dyrektara pa vučebnaj rabocie liceja Alena Paźniakova. — Na vyniki zaličeńnia členstva ŭ BRSM nijak nie ŭpłyvaje, ale prachadnyja bały ŭ nas dastatkova vysokija.
Farmalna zhodna ź biełaruskimi zakonami ŭsie hramadskija arhanizacyi roŭnyja, u realnaści ž u navučalnych ustanovach dziejničaje najpierš łukašenkaŭski BRSM. Adnak fakty, kab pastupleńnie va ŭstanovu abumoŭlivali členstvam u im, redkija.