Novy pasoł Rasii Mieziencaŭ: Ja nie znajomy z dypłamatyčnaj praktykaj Babiča
Novy pasoł Rasii Dźmitryj Mieziencaŭ nie znajomy z dypłamatyčnaj pracaj papiaredniaha pasła Michaiła Babiča ŭ Minsku, ale choča, kab «dźviery rasijskaha pasolstva byli šyroka rasčynieny dla našych kaleh i siabroŭ». Pra heta ŭ Minsku na svaim pieršym bryfinhu ŭ jakaści pasła Rasii ŭ Biełarusi zajaviŭ Dźmitryj Mieziencaŭ, paviedamlaje Tut.by.
Fota: Siarhiej Bałaj, Tut.by.
Na bryfinhu Mieziencaŭ raspavioŭ, jakuju ŭstanoŭku pa pracy ŭ Biełarusi jamu daŭ Uładzimir Pucin.
— Ustanoŭka, ja dumaju, jakuju daje kiraŭnik dziaržavy i kiraŭnik MZS lubomu pasłu, u ramkach jaho zadač. Heta zrabić usio, kab hłybinia adnosin pamiž Rasijaj i Biełaruśsiu była jašče bolš vynikovaj, kab heta adčuvali ludzi. Kab tradycyi brackich narodaŭ, ekanamičnaha ŭzajemadziejańnia, mahčymaść i hatoŭnaść brać adzin u adnaho najlepšy vopyt u ekanamičnych i sacyjalnych praktykach prynosiła miljonam hramadzianam našych krain dastatak, kamfort, upeŭnienaść, kab jany płany svaich siemjaŭ suadnosili z płanami dvuchbakovych adnosinaŭ, svaich dziaržaŭ, — skazaŭ Mieziencaŭ.
Na pytańnie čym jaho dypłamatyčnaja misija budzie adroźnivacca ad misii papiaredniaha pasła Michaiła Babiča, Mieziencaŭ adkazaŭ, što nie moža paraŭnoŭvać.
— Ja nie byŭ znajomy z praktykaj Michaiła Babiča, ale ja razumieju, z ulikam majho dypłamatyčnaha vopytu i ŭ kitajskaj stalicy hienieralnym sakratarom ŠAS, što lubaja dypłamatyčnaja praktyka charaktaryzujecca šeraham rys: adkrytaściu, ščyraściu, maksimalnym uvahaj da ludziej. I my chacieli b, kab dźviery rasijskaha pasolstva byli šyroka rasčynieny dla našych kaleh i siabroŭ. I kab na pryjomie 11 červienia było jak maha bolš haściej, kab my pacisnuli im ruki, čoknulisia kielichami ŭ honar dziaržaŭnaha śviata Dnia Rasii, — skazaŭ pasoł.
Paźniej jon taksama dadaŭ, što «nijakich začynienych dźviarej dla biełaruskich žurnalistaŭ nie budzie».
