MUS Niamieččyny pahražaje miesiendžaram zabaronaj za admovu ad pradastaŭleńnia infarmacyi
Ministerstva ŭnutranych spraŭ Hiermanii choča prymusić miesiendžary pradastaŭlać pravaachoŭnym orhanam dostup da tekstavych čataŭ i zvankoŭ karystalnikaŭ. Pra takuju inicyjatyvu napisaŭ Der Spiegel.
Dostup pravaachoŭnikaŭ da paviedamleńniaŭ miesiendžaraŭ mahčymy tolki pry najaŭnaści sudovaha ordera. Hetaja norma zastaniecca niaźmiennaj.
Adnak pakul miesiendžary dajuć pravaachoŭnikam tolki zašyfravanuju infarmacyju, admaŭlajučysia rasšyfroŭvać jaje.
Inicyjatyva, jakuju prasoŭvaje ministr unutranych spraŭ Chorst Ziejechofier, pavinna prymusić miesiendžary pradastaŭlać infarmacyju vyklučna ŭ rasšyfravanym vyhladzie. A ŭ vypadkach, kali jany admoviacca ad supracoŭnictva, mahčymaść pradastaŭleńnia imi pasłuh u krainie pavinna być zabłakavanaja praz rašeńnie Fiederalnaha ahienctva suviazi Hiermanii.
Pavodle vydańnia, u vypadku ŭchvaleńnia, hety płan moža być realizavany da kanca hetaha hoda.
Publikujecca ŭ miežach śpiecyjalnaj rubryki «Naviny Hiermanii»
