Moładzievy čempijanat pa chakiei ŭ pieršym dyvizijonie projdzie ŭ Minsku
Moładzievy čempijanat śvietu ŭ dyvizijonie I (hrupa A) projdzie ŭ Biełarusi ŭ śniežni 2019 hoda, paviedamlajuć Minsk-naviny.
Rašeńnie było pryniata na štohadovym kanhresie Mižnarodnaj fiederacyi chakieja, jaki prajšoŭ u Bracisłavie. Prava stać haspadarami hetaha turniru pieršapačatkova mieli namier asprečvać čatyry krainy: Biełaruś, Aŭstryja, Danija i Słavienija. Adnak datčanie sa słaviencami svaje kandydatury źniali, pryčym datčanie - na karyść biełaruskaj delehacyi. U vočnaj sprečcy z Aŭstryjaj bolšaściu hałasoŭ (16 suprać 9) pieramahła zajaŭka ad Biełarusi.
Moładzievy ČS u pieršym dyvizijonie (hrupa A) projdzie z 8 pa 14 śniežnia. Za adzinuju pucioŭku ŭ elitu suśvietnaha maładziožnaha chakieja pazmahajucca haspadary, a taksama družyny Danii, Aŭstryi, Łatvii, Słavienii i Narviehii.
