Hiendyrektar kitajskaj karparacyi: Aŭtamabili Geely biełaruskaj vytvorčaści majuć pierśpiektyvy ŭ ES
Aŭtamabili Geely biełaruskaj vytvorčaści majuć pierśpiektyvy ŭ ES, zajaviŭ hiendyrektar Geely International Corporation Nań Šenlan u intervju prahramie «Hałoŭny efir» telekanała «Biełaruś 1», pieradaje TUT.BY.
«Biełaruska-kitajskaja kamanda šmat ŭkładvaje sił u hety zavod. Ja zadavoleny, ja baču vynik. U nas samyja surjoznyja płany na hetaje pradpryjemstva. Praz paŭtara hoda pracy z upeŭnienaściu skažu: biełarusy robiać aŭtamabili nie horš za kitajskich śpiecyjalistaŭ. Heta suśvietny standart», — zajaviŭ hiendyrektar kampanii.
Nań Šenlan skazaŭ, što minimum 10 razoŭ na hod byvaje ŭ Biełarusi i asabista testavaŭ ŭsiu liniejku vypuskajemych tut aŭto.
«U Biełarusi asablivaje miesca ŭ našaj stratehii. U pieršuju čarhu — heta Šaŭkovy šlach, my na heta robim staŭku. Vaša kraina prymaje samy aktyŭny ŭdzieł u raźvićci prajekta — heta pieršaje. Da vašaha ŭrada vialikaja pavaha i davier — heta druhoje. U nas ahulnyja mety — heta treciaje. Pa-mojmu, heta i jość składniki pośpiechu», — zajaviŭ hiendyrektar Geely.
Pavodle jaho, pryjarytetam źjaŭlajecca nie stolki miascovy rynak, a rynak JEAES. «Potym hatovyja vyjści i na Jeŭropu», — zapeŭniŭ Nań Šenlan.
Jon raspavioŭ, što pakul u Barysavie vypuskajuć usiaho 3 madeli — pradpryjemstva abmiežavana ŭ mahutnaściach i pakul ab pašyreńni liniejki nie havorać, ale jość vierahodnaść, što mahutnaści pryjdziecca naroščvać. U Kitai 12 zavodaŭ i kožny vypuskaje adnu madel.
Hiendyrektar Geely zajaviŭ, što ŭ Kitai raspačali vypusk elektramabila Geometry.
«My nie čakali takoj kolkaści papiarednich zamovaŭ. Prabieh paśla poŭnaj zaradki takoj mašyny — 400 kiłamietraŭ. A pry poŭnaj kamplektacyi — i ŭsie 500. Cana aŭto — kala 30 tysiač dalaraŭ. Chto viedaje, moža chutka jano źjavicca ŭ Biełarusi», — zajaviŭ Nań Šenlan.
Sieryjnuju vytvorčaść aŭtamabilaŭ na barysaŭskim zavodzie pačali 1 lipienia 2018 hoda. Za druhoje paŭhodździe kala 5 tysiač mašyn pradali ŭ Rasiju, bolš za 3,5 tysiačy kupili biełarusy. Heta čaćviortaje miesca pa abjomie prodažaŭ na biełaruskim rynku. U 2019 hodu abjomy vytvorčaści płanujecca padvoić.
