U Maskvie zahinuła 25-hadovaja redaktarka Wonderzine
U Maskvie zahinuła žurnalistka Marharyta Virava, jakaja pracavała redaktaram raździeła «Pryhažość» u Wonderzine. Viravaj było 25 hadoŭ, jana pamierła ŭ Botkinskaj balnicy, kudy trapiła paśla taho, jak vypała z akna svajoj kvatery na vośmym paviersie. Pra heta paviedamiŭ kaleha dziaŭčyny Jahor Skavarada.
«Heta nie samahubstva. Heta trahičnaja vypadkovaść, i ad hetaha jašče bolš strašna i niezrazumieła, jak ciapier žyć. Trahiedyju bačyli niekalki siabroŭ, jakija zajšli da jaje ŭ hości — Ryta adyšła da akna, sfatahrafavać siabroŭ u inšym kancy pakoja. Akno było adčyniena, da jaho ŭsie adychodzili kuryć. Jana sieła na padakońnik i, adkinuŭšysia z telefonam, niaŭdała abapierłasia na antykacinuju sietku (dakładniej, sietka była takaja ž, jak maskitnaja, ale staviłasia z-za kotak), straciła raŭnavahu i vypała z akna», — raspavioŭ Skavarada.
Pavodle jaho słoŭ, dziaŭčynu dastavili ŭ reanimacyju, dzie jana pamierła ad atrymanych traŭmaŭ, nie prychodziačy ŭ prytomnaść.
Siehodnia nočju pohibła naša podruha i lubimaja kolleha Rita Virova. Samaja artističnaja, trohatielnaja i ostroumnaja v našiej riedakcii. Ona była očień kłassnoj, tałantlivoj, dramatičnoj i śmiełoj. I to, čto jeje bolšie niet s nami, sovieršienno nievozmožnoje horie. pic.twitter.com/R4pSTCfgv9