Čysta anhlijskija finały: u hałoŭnym matčy Lihi Jeŭropy sustrenucca «Arsienał» i «Čełsi»
U hetym siezonie BATE, u adroźnieńnie ad «Valensii», vyjhraŭ u «Arsienała» doma. Ale łondanski kłub dabraŭsia da finału, fota z tvitara Lihi Jeŭropy
U čaćvier prajšli matčy ŭ adkaz paŭfinałaŭ Lihi Jeŭropy.
«Arsienał» u haściach pieramoh «Valensiju» 4:2. Chiet-tryk u Pjera-Emieryka Abamiejanha. U pieršaj hulni «kananiry» taksama pieramahli — 3:1.
A voś u matčy «Čełsi» — «Ajntracht» sprava dajšła da pienalci: I pieršy, i druhi pajadynki skončylisia ź likam 1:1, a ŭ sieryi pienalci macniejšym akazaŭsia «Čełsi». Kiepa Arysabałaha adbiŭ dva ŭdary niemcaŭ — 4:3.
Admietna, što i z «Čełsi», i z «Arsienałam» ŭ hetym siezonie Lihi Jeŭropy hulaŭ BATE.
Finał — 29 maja ŭ Baku.
Nahadajem, što ŭ finale Lihi čempijonaŭ zhulajuć taksama dva anhlijskija kłuby: «Livierpul» i «Totenchem». Tut finał — 1 červienia.