U ZŠA prajšli paśpiachovyja vyprabavańni łaziera, jaki źbivaje rakiety ŭ pavietry
Kancepcyja bajavoha samalota budyčyni, jaki źbivaje pahrozu łazieram. Ilustracyja: karparacyja Lockheed Martin
Vajskoŭcy ZŠA paśpiachova źbili niekalki rakiet pavietranaha startu z dapamohaj naziemnaha pratatypa łaziernaj ŭstanoŭki. Pra heta paviedamlaje RBK sa spasyłkaj na The Drive.
Pavodle vydańnia, vyprabavańni prajšli na palihonie «Biełyja piaski» ŭ štacie Ńju-Mieksika 23 krasavika. Supraćrakietny łazier raspracavali ŭ ramkach kancepcyi SHiELD (Self-Protect High Energy Laser Demonstrator), pavodle jakoj da 2021 hoda ŭsie amierykanskija źniščalniki buduć uzbrojeny łazierami.
Miarkujecca, što łaziernaja sistema pavysić mahutnaść vajennych samalotaŭ i abaronić źniščalniki ad rakiet kłasa «pavietra-pavietra» i «ziamla-pavietra». Padrabiaznaści vyprabavańniaŭ zastalisia tajamnicaj. Ale, pavodle vydańnia, usie celi byli paśpiachova źbityja.
U śniežni 2018 hoda prezident Rasii Uładzimir Pucin abviaściŭ pra vyprabavańni bajavych łaziernych kompleksaŭ «Pieraśviet».
