Viciebski harvykankam zabaraniŭ šeście «Nieśmiarotnaha pałka»
Adkaz ad uładaŭ atrymaŭ pradstaŭnik partyi levych «Spraviadlivy śviet» Vadzim Kuźmin. U liście skazana, što ŭklučyć u prahramu śviatkavańniaŭ 9 maja šeście z partretami ŭdzielnikaŭ minułaj vajny «nie ŭjaŭlajecca mahčymym», paviedamlaje Radyjo Svaboda.
Achvotnym prapanavana ŭšanavać pamiać zahinułych na frantach Vialikaj ajčynnaj vajny, dałučyŭšysia da aficyjnaj ahulnanacyjanalnaj akcyi «Biełaruś pamiataje».
Pavodle Vadzima Kuźmina, taki farmat taksama prymalny. Jon miarkuje, što da hetaj akcyi dałučacca i jahonyja adnadumcy — pradstaŭnica partyi levych «Spraviadlivy śviet» Halina Barejka, pradstaŭniki haradzkich arhanizacyj Svabodnaha prafsajuza mietalistaŭ Jaŭhien Inc i prafsajuza REP Hieorhij Razumaŭ, — jakija taksama padpisvali zajavu na dazvoł šeścia «Nieśmiarotnaha pałka».