Majstar-kłas pa kieramičnych upryhožańniach — 15 maja
Hramadskaja kulturnickaja kampanija «Budźma biełarusami!» i Dziaržaŭny muziej historyi biełaruskaj litaratury zaprašajuć na cykł majstar-kłasaŭ «Biełaruskija ramiostvy. Tradycyi i sučasnaść».
Ci viedajecie vy ŭ jakim posudzie hatavali ježu našy prababuli i pradziaduli, ź jakimi cackami jany hulali, jak upryhožvali svajo žytło? A chto takija šapavały? A navošta ŭ biełaruskich chatach viešali pavuka?
Prychodźcie na našy majstar-kłasy! I nie tolki atrymajecie adkazy na hetyja pytańni dy daznajeciesia pra šmatlikija inšyja cikavostki z tradycyj našych prodkaŭ. Pad kiraŭnictvam lepšych majstroŭ Biełarusi vy sami, ułasnymi rukami stvorycie cudoŭnyja rečy, jakija vam buduć štodnia daryć radaść, ci stanuć niezvyčajnym padarunkam dla blizkich i siabroŭ.
U miežach cykła vas čakajuć majstar-kłasy pa:
— valańni z voŭny,
— placieńni pajasoŭ na bierdziečkach,
— vycinancy,
— sałomaplacieńni,
— vyšyŭcy
— majstar-kłasy pa kieramicy i inš.
Sačycie za abviestkami na sajtach: budzma.by i bellitmuseum.by
Pieršy majstar-kłas pa vyrabie kieramičnych upryhožańniaŭ adbudziecca 15 traŭnia.
Hlina — nadzvyčaj płastyčny pryrodny materyjał, jaki dazvalaje ŭvasobić u žyćcio praktyčna lubyja fantazii, stvarajučy samyja roznyja rečy — ad skulptury i posudu da kieramičnych pacierak.
A jašče lepka z hliny — heta cudoŭny vid art-terapii, jaki doryć šmat pazityŭnych emocyj, daje mahčymaść rassłabicca i adpačyć ad štodzionnaj mituśni, i razam z tym «pierazahruzicca» i znajści natchnieńnie dla novych idej i rašeńniaŭ.
Padčas majstar-kłasu rabić budziem kieramičnuju ptušku-brošku, jakaja stanie ekskluziŭnym upryhožańniem dla vašaj lubimaj sukienki, ci šali, ci navat sumki i budzie nahadvać pra viasnu i sonca navat u samyja zmročnyja dni.
Pravodzić majstar-kłas Natalla Cevan — mastak, kieramist,vykładčyk, člen Sajuza biełaruskich majstroŭ narodnaj tvorčaści, udzielnik šmatlikich mastackich vystavaŭ.
Dzie: Dziaržaŭny muziej historyi biełaruskaj litaratury (h. Minsk, vuł. M.Bahdanoviča, 13)
Kali: 15 traŭnia (sierada), 18:00
Košt: 20 rubloŭ
Abaviazkovy papiaredni zapis na majstar-kłasy: Teł./viber +375 29 269 45 87