«Isłač» u topie, a «cukrovyja» — krychu ŭ inšym miescy. Anons piataha tura čempijanatu Biełarusi pa futbole
Razam z Bukmiekierskaj kantoraj Marafon my praciahvajem sačyć za vyšejšaj lihaj, u jakoj užo prajšło čatyry tury.
Siarod vynikaŭ matčaŭ minułaha tydnia tolki adzin možna nazvać niečakanym — bresckaje «Dynama» nie zmahło abhulać «Enierhietyk-BDU». Minčuki ŭ pačatku hulni skarystalisia pamyłkaj bramnika «Dynama», jaki adbiŭ miač prosta na nahu forvarda supiernikaŭ, ale nie vytrymali pad mnostvam bresckich atak i ŭ vyniku zapisali na svoj rachunak tolki adzin bał. Heta dazvoliła krychu padniacca sa dna tablicy.
Fota: «Dynama-Brest»
A na im znachodziacca dva «cukrovyja» kalektyvy. «Słuck» narešcie zmoh adznačycca hołam u matčy z «Isłačču», ale prapuściŭ try i pahruziŭ zaŭziataraŭ u jašče bolšuju rospač. «Haradzieja» biez šancaŭ była raźbitaja žodzinskim «Tarpieda-BiełAZ». Zaviaršaje tryumvirat aŭtsajdaraŭ «Dniapro», ale mahiloŭcy narešcie nabrali pieršy bał i, miarkujecca, pačali apieracyju pa vyratavańni.
Siarod astatnich vynikaŭ adznačym pieramohu «Šachciora» ŭ Homieli i jaho vychad na čysty pieršy radok, pieramohu minskaha «Dynama» — u minskim derbi (3 zabityja miačy na 3 pieramohi — nievierahodna), a taksama projhryš «Viciebska», jaki adkidvaje kamandu na 12-y radok.
A ciapier pierachodzim da padziej nastupnaha tura!
«Tarpieda-BiełAZ» — «Tarpieda»
- 25.04, 18:45. Žodzina, stadyjon «Tarpieda»
- Kaeficyjenty: «Tarpieda-BiełAZ» (pieramoha) — 1.46; ničyja — 4.05; «Tarpieda» (pieramoha) — 7.30
Žodzincy pastupova pačynajuć razhaniacca. Ale doma kamanda Vadzima Skrypčanki hulaje niaŭdała — usiaho 1 turnirny bał z 6 mahčymych.
Minskija «aŭtazavodcy» mieli šancy, kab nie prajhrać «Dynama», i naohuł u hetym siezonie hladziacca niabłaha. Ale dumajem, što na tle pośpiechu ŭ Haradziei haspadary atrymajuć pieršuju chatniuju pieramohu ŭ siezonie.
Prahnoz «NN»: pieramoha «Tarpieda-BiełAZ».
«Dynama-Brest» — «Słavija»
- 25.04, 20:45. Brest, DASK «Brescki»
- Kaeficyjenty: «Dynama» (pieramoha) — 1.26; ničyja — 5.30; «Słavija» (pieramoha) —11.50
Takoje adčuvańnie, što paśla troch pieramoh, u tym liku nad BATE, da hulni z «Enierhietykam-BDU» hulcy bresckaj kamandy padyšli niematyvavanymi. Za što i papłacilisia.
Napieradzie hulnia sa «Słavijaj», jakaja ŭ papiarednim tury ledź nie adabrała bały ŭ BATE. Uvohule, chacia mazyrčuki i prajhrali try z čatyroch matčaŭ, ale demanstrujuć cikavy futboł i svajo, zdajecca, jašče dabiaruć. Ale nie ŭ čaćvier.
Prahnoz «NN»: pieramoha «Dynama».
«Viciebsk» — «Słuck»
- 26.04, 16:45. Viciebsk, CSK «Viciebski»
Dvuboj hałoŭnych łuzieraŭ vyšejšaj lihi. Prosta nahadajem, što letaś «Viciebsk» skončyŭ siezon čaćviortym, a «Słuck» — siomym.
Na kamandu Vitala Paŭłava ciśnie ciažkim hruzam sieryja bieź pieramoh, jakaja ŭžo ciahniecca 13 turaŭ. Da hetych prablem dadalisia i šmatlikija traŭmy lidaraŭ kamandy.
Ci skarystajecca prablemami supiernika «Viciebsk»?
Prahnoz «NN»: pieramoha «Viciebska».
«Dynama-Minsk» — «Nioman»
- 26.04, 18:30. Minsk, stadyjon «Traktar»
Z-za drennaha stanu hazonu na «Dynama» minčuki vyrašyli pieranieści dźvie bližejšyja hulni na ołdskulny «Traktar».
U papiarednim tury «Dynama» zdabyła pieramohu dziakujučy hołu Ihara Šytava. Fota: FK «Dynama-Minsk».
«Nioman» paśla dźviuch paraz narešcie pieramoh dziakujučy hołu kyrhyzskaha vunderkinda Ałykułava. Mahčyma, mienavita kamanda Ihara Kavaleviča znojdzie klučy da abarony «Dynama»?
Prahnoz «NN»: totał mienšy za 2.5.
BATE — «Minsk»
- 26.04, 20:45. «Barysaŭ-Arena»
«Minsk» pakul zastajecca samaj dziŭnaj kamandaj lihi. Čatyry matčy — čatyry ničyje i ŭsiaho adzin zabity miač. Ale ŭ toj ža čas i prapuścili chłopcy Razina tolki adnojčy.
«Minsk» užo adabraŭ bały ŭ minskaha «Dynama». Ci atrymajecca zasmucić jašče adnaho favaryta — vialikaje pytańnie.
Prahnoz «NN»: pieramoha BATE.
«Isłač» — «Homiel»
- 27.04, 16:45. Stadyjon FK «Minsk»
«Isłač» vyjhrała trojčy ŭ čatyroch turach i idzie siarod lidaraŭ tablicy. Pra dziorzkaść «Homiela» ŭžo taksama składzienyja lehiendy. Tamu matč na «Kamvolščyku» možna nazvać cienievym matčam usiaho tura.
Favaryta adrazu i nie abaznačyš: abiedźvie kamandy pakazvajuć atakujučy futboł i majuć u składzie kłasnych napadnikaŭ. Sprahnazujem niemałuju kolkaść hałoŭ.
Prahnoz «NN»: totał bolšy za 2.5.
«Šachcior» — «Enierhietyk-BDU»
- 27.04, 18:45. Salihorsk, stadyjon «Budaŭnik»
Salihorcy zastalisia adzinaj kamandaj čempijanatu, jakaja pakul nie hublała turnirnych bałaŭ. Ale pieramohi dajucca «Šachcioru» niaprosta: dźvie z čatyroch byli dabytyja ŭ kancoŭcy hulni dziakujučy hałam Mikałaja Januša, jakoha para nazyvać miascovym Džokieram.
Mikałaj Januš zabiŭ svoj čarhovy hoł u vyšejšaj lizie. Fota: FK «Šachcior».
«Enierhietyk-BDU» pakazaŭ, što moža na roŭnych hulać ź lidarami tablicy i psavać ichny nastroj. Tamu lohka «Šachcioru» na rodnym poli dakładna nie budzie.
Prahnoz «NN»: pieramoha «Šachciora».
«Dniapro» — «Haradzieja»
- 27.04, 20:45. Mahiloŭ, stadyjon «Spartak»
Finalić tur jašče adna sustreča aŭtsajdaraŭ. Mahiloŭcy narešcie zmahli nabrać pieršyja turnirnyja bały i kryšačku paradavać svaich niešmatlikich zaŭziataraŭ.
U «Haradziei» ž nahod dla radaści niama, ale jość niebłahija šancy ich atrymać paśla hulni ŭ Mahilovie.
Prahnoz «NN»: totał mienšy za 2.5.
TURNIRNAJA TABLICA
Dzialiciesia prahnozami ŭ kamientarach i abaviazkova schadzicie na stadyjon! Ličycie siabie ekśpiertam u biełaruskim futbole — zrabicie staŭku ŭ Bukmiekierskaj kantory Marafon!
Tym bolš Marafon prapanuje vydatnuju mahčymaść dla ŭsich novych klijentaŭ zrabić biasprojhryšnuju pieršuju staŭku. Kab zrabić heta, treba zarehistravacca na sajcie i ŭvieści promakod START. Zyčym pośpiechaŭ!
