Makiej adkazaŭ na pytańnie, ci pajedzie Łukašenka ŭ Brusel
aa.com.tr
Aficyjny Minsk atrymaŭ zaprašeńnie dla Alaksandra Łukašenki na viačeru lidaraŭ krain Uschodniaha partniorstva, jaki projdzie 13 maja ŭ Bruseli. Ale pakul nieviadoma, ci pajedzie biełaruski kiraŭnik u Bielhiju, raspavioŭ kiraŭnik MZS Uładzimir Makiej, piša Tut.by.
— Prapanovy vyvučajucca, vyvučajecca farmat hetych mierapryjemstvaŭ. Hladzim, što tam budzie pa źmieście. Budziem unosić adpaviednyja prapanovy kiraŭniku dziaržavy, - skazaŭ Makiej.
Na pytańnie, ci varta, na dumku MZS, prezidentu pryniać udzieł u mierapryjemstvach, Makiej adkazaŭ: «Vizitaŭ šmat. Važna, kab jany prynosili kankretnyja vyniki».
Nahadajem, Jeŭrasajuz zaprasiŭ Alaksandra Łukašenku na viačeru ŭ Brusel 13 maja, kab adznačyć 10-ju hadavinu Uschodniaha partniorstva. U 2017 hodzie na samit Uschodniaha partniorstva, na jaki paklikali biełaruskaha prezidenta, pajechaŭ Uładzimir Makiej.