Aficyjny vizit Łukašenki ŭ Turcyju praciahnuŭsia mienš za 9 hadzin
Alaksandr Łukašenka zaviaršyŭ aficyjny vizit u Turcyju. Samalot kiraŭnika dziaržavy vylecieŭ ź Mižnarodnaha aeraporta Ankary, pieradaje BiełTA.
Alaksandr Łukašenka pravioŭ siońnia ŭ Ankary pieramovy z prezidentam Turcyi Redžepam Taipam Erdahanam. Kiraŭniki dziaržaŭ praviali pieramovy ŭ Biełym pałacy — aficyjnaj rezidencyi prezidenta Turcyi. Sustreča prajšła ŭ vuzkim farmacie, zatym da prezidenta dałučylisia členy pradstaŭničych delehacyj.
Vizit akazaŭsia karotki. Ab prylocie samalota Łukašenki ŭ Ankaru BiełTA paviedamiła ŭ 11.46. A ŭ 20.04 stała viadoma, što samalot kiraŭnika Biełarusi vylecieŭ z Ankary.
Admietna, što ŭ viečarovym efiry «Panaramy» pra chutki adjezd Łukašenki navat nie paviedamili. Tolki zhadali, što ŭ abied jon zasialiŭsia ŭ hatel.
