Pamior pierakładčyk Valer Strałko
Fota Radyjo Svaboda
Pamior pierakładčyk Valer Strałko. Pra heta paviedamiŭ Sajuz biełaruskich piśmieńnikaŭ u svaim fejsbuku.
Pra miesca j čas razvitańnia budzie paviedamlena dadatkova.
Valeru Strałko było 80 hadoŭ. Jon viadomy šmatlikimi pierakładami biełaruskaj litaratury na ŭkrainskuju movu i naadvarot. Siarod pierakładzienych im biełaruskich aŭtaraŭ — Maksim Bahdanovič, Janka Kupała, Jakub Kołas, Vasil Bykaŭ, Uładzimir Karatkievič dy inš.
U 2003 h. uznaharodžany Mižnarodnaj litaraturnaj premijaj imia Ivana Franko za pierakłady na biełaruskuju movu tvoraŭ Tarasa Šaŭčenki, Lesi Ukrainki, Ivana Franko i sučasnych ukrainskich aŭtaraŭ, a taksama litaraturnaj premijaj imia Kandrata Krapivy za pierakład paemy «Taras na Parnasie» na ŭkrainskuju movu.
U 2006 h. uznaharodžany Nacyjanalnaj supołkaj piśmieńnikaŭ Ukrainy miedalom «Hanarovaja adznaka» za istotny ŭniosak u adradžeńnie duchoŭnaści i asabistyja dasiahnieńni ŭ litaraturnaj tvorčaści.
U 2013 h. łaŭreat Mižnarodnaj litaraturna-mastackaj premijaj imia Hryhoryja Skavarady za vialikuju padźvižnickuju pracu z metaj zbližeńnia ŭkrainskaj i biełaruskaj litaratur.