Ci patrebnyja ŭ Biełarusi bebi-boksy? Mierkavańnie supracoŭnikaŭ Ministerstva achovy zdaroŭja
Ci aktualnaja ŭ Biełarusi tema bebi-boksaŭ? Ci patrebnyja jany? Karespandent ahienctva «Minsk-Naviny» adrasavała hetaje pytańnie supracoŭniku Ministerstva achovy zdaroŭja i hałoŭnamu doktaru Haradskoj hiniekałahičnaj balnicy Minska.
— U Biełarusi adzinkavyja vypadki admoŭ ad novanarodžanych, — raspaviała hałoŭny śpiecyjalist adździeła miedycynskaj dapamohi maci i dzieciam Ministerstva achovy zdaroŭja Respubliki Biełaruś Julija Savačkina. — I ŭsie hetyja admovy adbyvajucca ŭ radzilnych damach. Dzieci, ad jakich admovilisia, chutka ŭsynaŭlajucca — u nas za hrudničkami čarha.
Julija Savačkina
— A jak ža viadomyja vypadki znojdzienych u śmiećcievych kantejnierach ciełach novanarodžanych? Byli b bebi-boksy — moža, i vyžyli b niemaŭlaty?
— Psichična zdarovaja žančyna nie moža vykinuć svajo dzicia ŭ kantejnier dla śmiećcia. I bebi-boksam takaja žančyna naŭrad ci skarystałasia b. Chto zaminaje joj pryjści i pakinuć niemaŭla na spavivalnym stoliku ŭ radzilnym domie? Nichto. Heta majo asabistaje mierkavańnie.
Adkryćcio bebi-boksaŭ u Biełarusi aktyŭna abmiarkoŭvajecca z 2009 hoda. Voś što dumaje z hetaj nahody hałoŭny doktar Haradskoj hiniekałahičnaj balnicy Minska Alaksandr Bič, jakaja šmat hadoŭ prapracavała ŭ akušerstvie:
— Bebi-boksy — dyskusijnaja tema. Treba ŭzvažyć usie za i suprać. Nielha kateharyčna zajaviać, što jany nie patrebnyja, navat kali ŭ hod tudy pryniasuć paru niemaŭlat. Heta vyratavanyja žyćci! Ale i toj, chto vykinuŭ dzicia ŭ śmiećciepravod, navat kali bebi-boks budzie raźmiaščacca za dziesiać mietraŭ ad jaje, usio roŭna zrobić svaju brudnuju spravu.
Miž tym, u pačatku kastryčnika 2017 hoda ŭ Mahiloŭskaj vobłaści znajšli cieły dvuch novanarodžanych dziaciej. Adnaho — u Bychaŭskim rajonie doma pad padłohaj, druhoha — u Mahilovie na zavodzie ŭtylizacyi bytavych adchodaŭ.
U kastryčniku 2018 hoda ŭ Hrodnie ŭ kantejniery dla śmiećcia vyjavili miortvaje niemaŭla. Novanarodžany chłopčyk lažaŭ na dnie pakieta, prykryty žanočymi rečami. I heta nie adzinkavyja vypadki. U lutym 2019-ha ŭ Miensku kala doma na pr. Rakasoŭskaha znajšli trup dziciaci ź piatloj na šyi.
Kali skłałasia tak, što vy vymušanyja admovicca ad dziciaci, jość niekalki cyvilizavanych sposabaŭ
— U radzilni da naradžeńnia niemaŭlaci ci ŭžo paśla možna napisać zajavu na admovu. Hetuju infarmacyju pieradaduć u Nacyjanalny centr usynaŭleńnia. Paśla čaho pačniecca pošuk pryjomnaj abo apiakunskaj siamji. U hetym vypadku ŭ dačynieńni da žančyny hn pačynajuć administracyjny praces, i jana nie padpadaje pad dekret №18 i nie pakryvaje srodki pa ŭtrymańni dziciaci dziaržavie.
— Žančyna moža pryjści ŭ arhanizacyju achovy zdaroŭja i napisać zajavu na časovaje źmiaščeńnie niemaŭlaci ŭ dom dziciaci. Tam jon moža znachodzicca da troch hadoŭ. Takuju mamu nie pazbaŭlajuć baćkoŭskich pravoŭ, i srodki dziaržavie jana taksama nie pakryvaje. Administracyjnuju spravu taksama nie zavodziać.
— Niemaŭla možna pakinuć na prystupkach balnicy. Adnak u hetaj situacyi milicyja budzie šukać, chto heta zrabiŭ, — dla pravierki, ci nie vykradziena niemaŭla i ci nie padkinuli jaho ŭ kliniku bieź viedama baćkoŭ.
