Na BT zapuskajuć novaje intelektualnaje šou. Hałoŭny pryz — 2000 rubloŭ
Zdymki novaha zabaŭlalna-intelektualnaha šou «Na vylet!» pačynajucca 13 sakavika.
Pavodle sb.by, hulnia budzie składacca ź piaci etapaŭ i supierhulni. U kožnym vypusku prahramy — 32 udzielniki. Jany ŭ pačatku šou buduć adkazvać na pytańni biez času na abdumvańnie.
Viadučy budzie zadavać pytańni da taho času, pakul udzielnikaŭ nie zastaniecca 16 i jany nie buduć padzielenyja na dźvie kamandy.
U dalejšym u kožnaj kamandy budzie tryccać siekund na abmierkavańnie pytańnia. U pieramožcaŭ źjavicca prava pamienšyć kolkaść udzielnikaŭ u kamandzie, jakaja prajhrała.
Kali hulcoŭ zastaniecca vosiem, jany znoŭ buduć padzielenyja na dźvie hrupy pa čatyry čałavieki, i tak — da supierfinału. Takim čynam, niedastatkova viedaŭ u toj ci inšaj śfiery, kab dabracca da supierhulni, — nieabchodna, kab inšyja pretendenty bolšaściu nie prahałasavali suprać ciabie.
Pieramožca hulni zmoža zabrać hałoŭny pryz — 2000 rubloŭ.
Viadučym prahramy stanie radyjoviadučy Alaksandr Najdzionaŭ.