Jak žyvie najstarejšaja žančyna Ziamli
Kane Tanaka z Fukuoka, Japonija, była aficyjna pryznanaja knihaj rekordaŭ Hiniesa ŭ jakaści najstarejšaha čałavieka na Ziamli. Na 9 sakavika joj spoŭniłasia 116 hadoŭ i 66 dzion.
Kane naradziłasia niedanošanaj 2 studzienia 1903 hoda, u tym samym hodzie, kali braty Rajt upieršyniu vyprabavali latalny aparat.
Kane (pieršy šerah, u centry) sa svaimi bratami i siostrami.
Siomaje dzicia Kamakičy i Kumy Ota, Kane vyjšła zamuž Chidea Tanaka 6 studzienia 1922, praz čatyry dni paśla taho, jak joj spoŭniłasia 19.
Choć jany i nie bačylisia da viasiella (u hetym nie było ničoha niezvyčajnaha dla tahačasnaj Japonii), Kane i Chidea zajmieli čaćviora svaich dziaciej i jašče adno pryjomnaje.
Chidea kiravaŭ siamiejnym biznesam, vyrablaŭ tradycyjnyja japonskija prysmaki, klejki rys i łokšynu.
Źleva staić Chidea Tanaka, siadzić ź dziciem na rukach — Kane.
Kali muža zabrali ŭ vojska ŭ 1937, padčas Druhoj kitajska-japonskaj vajny, Kane daviałosia i biznes vieści, i dziaciej hladzieć.
Jaje starejšy syn Nabua taksama byŭ pryzvany ŭ vojska ŭ 1943 hodzie. Jon trapiŭ u pałon, znachodziŭsia ŭ Savieckim Sajuzie i viarnuŭsia ŭ Japoniju ŭ 1947 hodzie.
Ciapier Kane žyvie ŭ domie adpačynku ŭ Fukuoka.
Jana zvyčajna pračynajecca ŭ 6-j ranicy, a dniom časta zajmajecca matematykaj abo nastolnymi hulniami. U ich jana stała ekśpiertam, časta raźbivajučy ŭ puch i prach piersanał doma adpačynku.
Padčas cyrymonii, na jakoj Kane abviaścili najstarejšaj žycharkaj Ziamli, joj uručyli siertyfikaty i skrynku cukierak. Čempijonka adrazu ž adkryła jaje i pačała jeści. Kali jaje spytali, kolki cukierak jana choča źjeści siońnia, jana žartam adkazała: «Sto».
116-hadovaja Kane pakul maje na šeść hadoŭ mieniej za najstarejšuju ŭ historyi žycharku Ziamli — francužanku Žannu Łuizu Kalman, jakaja pražyła 122 hady 164 dni i pamierła ŭ domie sastarełych u Arli ŭ 1997.
Pretendenta na zvańnie najstarejšaha mužčyny płaniety ciapier šukajuć, paśla taho, jak japoniec Masaza Nanaka pamior va ŭzroście 113 hadoŭ 179 dzion. Najstarejšym u historyi mužčynam ličycca taksama japoniec Dziraemon Kimura, što pražyŭ 116 hadoŭ 54 dni i pamior u 2013.
