Haradzieniec sprabavaŭ kupić muzyčnuju ŭstanoŭku za suvienirnyja dalary

21-hadovy chłopiec, jaki nazyvaje siabie dysk-žakiejem, vyrašyŭ kupić novuju aparaturu. Praz sacsietki jon paznajomiŭsia z 33-hadovym minčukom, jaki prapanavaŭ jamu DJ-kantroler «Pijanier» koštam 2,6 tysiačy rubloŭ, paviedamlaje BiełTA

Sustrecca mužčyny damovilisia ŭviečary 5 lutaha na aŭtavakzale ŭ pasiołku Ružany. Pradaviec pakazaŭ tavar, pakupnik — hrošy ŭ kanviercie. Tam byli kupiury pa 100 dalaraŭ. Hrošy vyklikali padazreńni ŭ pradaŭca. Kali jon padnios kupiury da śviatła, to pabačyŭ tam nadpis «bank prykołaŭ». Pakupnik kinuŭsia ŭciakać.

Nieŭzabavie asobu machlara vyśvietlili. Śledčy kamitet pačaŭ na dydžeja kryminalnuju spravu za machlarstva. Jamu pahražaje da troch hadoŭ pazbaŭleńnia voli. 

0

0

0

0

0

0