Minharvykankam zabaraniŭ mitynh 25 sakavika kala Opiery
Na Dzień Voli ŭ 2018 hodzie kala Opiery sabralisia dziasiatki tysiač čałaviek, fota Siarhieja Hudzilina
Minharvykankam nie dazvoliŭ pravieści mitynh 25 sakavika kala Vialikaha teatra opiery i baleta. Pra heta padčas pres-kanfierencyi zajaviŭ kiraŭnik ruchu «Za svabodu» Juraś Hubarevič, piša Tut.by.
- Aficyjnaj pryčynaj admovy stała toje, što my raspaŭsiudzili infarmacyju budučym mitynhu ŭ ŚMI. Ale unikalnaść situacyi ŭ tym, što my padali zajaŭku na praviadzieńnie mitynhu i 25 sakavika, i 24 sakavika na toj ža placoŭcy. Ab 24 sakavika my naŭmysna nie kazali nikomu, tamu ličym admovu Minharvykankama niezakonnaj i budziem jaje abskardžvać u sudzie, — zajaviŭ Hubarevič.
Nahadajem, zajaŭku ŭ Minharvykankam u kancy studzienia padali dźvie apazicyjnyja partyi AHP, BSDP (Hramada) i ruch «Za Svabodu».
