Мінгарвыканкам забараніў мітынг 25 сакавіка каля Оперы
На Дзень Волі ў 2018 годзе каля Оперы сабраліся дзясяткі тысяч чалавек, фота Сяргея Гудзіліна
Мінгарвыканкам не дазволіў правесці мітынг 25 сакавіка каля Вялікага тэатра оперы і балета. Пра гэта падчас прэс-канферэнцыі заявіў кіраўнік руху «За свабоду» Юрась Губарэвіч, піша Tut.by.
- Афіцыйнай прычынай адмовы стала тое, што мы распаўсюдзілі інфармацыю будучым мітынгу ў СМІ. Але унікальнасць сітуацыі ў тым, што мы падалі заяўку на правядзенне мітынгу і 25 сакавіка, і 24 сакавіка на той жа пляцоўцы. Аб 24 сакавіка мы наўмысна не казалі нікому, таму лічым адмову Мінгарвыканкама незаконнай і будзем яе абскарджваць у судзе, — заявіў Губарэвіч.
Нагадаем, заяўку ў Мінгарвыканкам у канцы студзеня падалі дзве апазіцыйныя партыі АГП, БСДП (Грамада) і рух «За Свабоду».